آلیجیلارین ان چوخ آلدیغی تویوغون دؤش اتی اینسان قیدالانماسیندا زولال منبعی کیمی ان واجیب قیدالاردان بیریدیر.

Kult.az برویلر تویوغو فیله‌سی باره‌ده بعضی مقاملاری تقدیم ائدیر.

قوشچولوق فابریکلرینده تویوغون اورتا عمور مدتی ۶-۷ هفته‌دیر. بو مدتدن سونرا کسیلمه‌سه اؤلجک. ۵-۷ هفته‌یه تویوغون فیله اتی لازیمی اؤلچویه چاتدیریلمالیدیر.

ایستحصال‌چی قیسا مدتده فیله‌نی شیشیرتمک اوچون ان اوجوز یئم و آقرسیو پرپاراتلاردان، سینتتیک هورمونلاردان ایستیفاده ائدیر. یومورتالاری خصوصی دفیزینفکتانتلارلا ایشلییرلر.جوجه‌لری ایسه واکسین و آنتیبیوتیکلرله یئتیشدیریرلر. بو متود کوتلوی آپاریلیر. سئخده آروزوللا سپیلیر و یا سویا درمان قاتیلیر.

اصلین‌ده بوتون واکسینلر اینسان و حیوانلار اوچون تهلوکه‌سیزدیر و سرتیفیکاتی اولمالیدیر. لاکین تهلوکه اوندادیر کی، واکسین اوچون کیفیتسیز، اوجوز پرپاراتلار سئچیلیر. آرتیق دوزگون اولمایان واکسیناسییادان کئچمیش تویوغون اتی کئیفیتسیزدیر.

آنتی‌بیوتیکلر ایسه تویوقلاری ساغ-سالامات یئتیشدیرمک اوچون لازیمدیر. اونا گؤره تویوقلارا کورس شکلینده آنتی‌بیوتیکلر وئریلیر. آنتی‌بیوتیکلی اتین ایسه اینسان اورگانیزمینه فسادلاری چوخدور:

-اینسانین قاراجیر، بؤیرک، هزم اورگانلارینی زده‌لییر، ایشینی پوزور

-آللئرژیک اینسانلاردا کسکین رئاکسییالار وئریر

-اما ان پیسی هر دفعه تویوق اتی یئدیکجه، اینسان معین میقدار آنتی‌بیوتیک دوزاسی آلیر. بو دا اینساندا آنتی‌بیوتیکلره قارشی داواملی‌لیق یارادیر. یعنی بیردن اینسان برونشیت و یا پنومونییا اولسا، اونا تویوقلارا وئریلن آنتی‌بیوتیک نوع‌لرینده درمانلار تأثیر ائتمه‌یه‌جک.

-تویوقلارین یئمی: بوردا زهرلی پستیسیدلردن توتموش قادین هورمونو استروگنلره کیمی هر شئی قاتیلیر. بونلار هامی‌سی تویوغون سرعتله چکی ییغماسی اوچوندور.

-تویوق فیله‌سی چوخ یئیه‌ن قادینلاردا بو سببدن هورمونال دیسبالانس، منسترواسییا پوزغونلوغو، سونسوزلوق دریده سپکیلر یارانا بیلر،اوشاقلاردا ایسه جین‌سی یئتیشکنلیک اینکیشافدان قالیر.

ساتیشا وئریلن هر پارتییا دقتله یوخلانیلمیر. اونا گؤره تویوق فیله‌سینین سئچیلمه‌سینده یئنه ده اساس یوک آلیجینین اوزرینه دوشور. برندین رپوتاسییاسی، یوخلاما گؤستریجیلری، ایستحصالی باره‌ده معلوماتینیز وارسا، او ایستحصالچینین تویوق اتینی آلین. چالیشین حددن آرتیق چوخ شیشمیش تویوق و فیله آلمایاسیز.

اما ان یاخشی‌سی بودور کی، کندده یئتیشمیش و اوزون عمور سوره‌ن تویوقلارا اوستونلوک وئره‌سیز.