واکسین حاقیندا یاییلان اینفورماسییانین هئچ بیر علمی اساسی یوخدور. پاندمییا باشلایاندان یانلیش اینفورماسییالارین یاییلماسی واکسیناسییانین آپاریلما پروسسینه خیلی زیان ووردو.

بو سؤزلری Axar.az-آ آچیقلاماسیندا طب علملری دوکتورو، پروفسور عادل غیب‌الله اؤلکه‌میزده گنج یاشلاردا اورک‌توتمادان اؤلوم حالینین آرتماسینین سببی کیمی گؤستریله‌ن واکسینله باغلی دانیشارکن دئییب.

پروفسور بیلدیریب کی، کوروناویروسون ارگانیزمده قویدوغو ایزلر وار:

«کوروناویروس کئچیرن انسانلاردا آوتیمون، اونکولوژی و مختلف خسته‌لیکلرین باش قالدیرماسینی مشاهده ائدیریک. البته، بو گون دنیادا بونلارین کوروناویروسا نه درجه‌ده باغلی اولماسییلا باغلی چوخ اینتنسیو ایشلر گئدیر و یقین کی، یاخین واختلاردا اونون نتیجه‌لری اعلان اولوناجاق. اما بونون واکسیناسییایا باغلی‌لیغی قطعییا دوزگون دئییل».

عادل غیب‌الله-ین سؤزلرینه گؤره، اورک-دامار خسته‌لیکلرینین یارانماسینین چوخ جدی سببلری وار:

«بیرینجی سبب انسانلارین تمبللشمه‌سی، اوتوراق حیات طرزی، حدیندن آرتیق چوخ قیدا و آلکوقول قبولو، آز حرکت ائتمه‌سی و سیگارت چکمکدیر. بو مسئله‌لر بو گون اورک-دامار خسته‌لیکلرینین اساسیندا دایانیر. بیز اساس سببلری بوندا آختارمالییق، نه‌اینکی دیگر فاکتورلاردا».