ایدمانین انسان ارگانیزمینه بؤیوک فایداسی اولسا دا، تأسف کی، گنجلرین اکثریتی پروتیین ترکیبلی پرپاراتلاردان استفاده ائدیر. بیر چوخلاری حتی عضله کوتله‌سینی آرتیرماق اوچون صنعی قیدالار، پروتینلر، گینرلر و ایسترویدلردن استفاده‌یه اوستونلوک وئریرلر.

مسئله ایله باغلی Axar.az-آ دانیشان فیتنس اوزره مشقچی ائلنور ولیئوین سؤزلرینه گؤره، پروتین عضله کوتله‌سینین انکشافی و بؤیومه‌سی اوچون واجب قیدا علاوه‌سیدیر.

«پروتیین - کربن، هیدروژن، ازوت، اکسیژن و گوگورد کیمی طبیعی بیرلشمه‌لردن عبارت آمین تورشولاردان عمله گلیر. آمین تورشولار پروتینلرین، پروتینلر ایسه عضله کوتله‌سینین قوروجو داشلاریدیر. پروتین ارگانیزمده پارچالاندیغی زمان عضله کوتله‌سینه انرژی وئریر. بوندان علاوه، پروتین اوزون مدتلی توخلوق یارادیر»، - او بیلدیریب.

مشقچی ایدمان ائتمه‌دن پروتین قبول ائتمیین ضررلی اولدوغونو وورغولاییب. اونون سؤزلرینه گؤره، پروتین توزونون اساس ضررلریندن بیری کیمی کیشیلرده جنسی ضعیفلیک یاراتماسی فکری یانلیشدیر:

«قیدا علاوه‌سی اولان پروتین توزو فاصله‌لرله قبول ائدیلمه‌لیدیر. پروتینی ۱ آی ایچدیکدن سونرا مطلق ۱۰-۱۵ گون فاصله وئرمک لازیمدیر. اونون مقداری مطلق چکییه اویغون قبول ائدیلمه‌لیدیر. مثلاً، ۹۰ کیلو چکیسی اولان انسان ۹۰ گرام پروتین ایچه بیلر. بو ۹۰ گرام ایسه گون عرضینده ۲-۳ حصه‌یه بؤلونمه‌لیدیر. پروتین توزو ایله یاناشی، طبیعی زولاللی قیدالار دا یئییلمه‌لیدیر.

بعضی ایسترویدلر ده وار کی، اونلارین ضررلری چوخدور، مثلاً، ساچ تؤکولمه‌سی، ایمپوتنسییا، گینیکوماستییا (سود وزلرینین بؤیومه‌سی)، قاراجیرین زده‌لنمه‌سی، سیرادان چیخماسی و سایر.»