آغری بدنده‌کی پروبلمی خبر وئرن سیگنالیزاسییا سیستمیدیر و ارگانیزمه فایدالیدیر. اگر بیز آغریکسیجی ایله اونو کئییتسک، ناراحاتلیغا سبب اولان اساس خسته‌لیک گئتدیکجه انکشاف ائدیر. نتیجه‌ده خرونیکی فازایا کئچن خسته‌لیین معاینه‌سی چتینلشیر.

Axar.az خبر وئریر کی، بو سؤزلری نورولوق قالیب اسدوو سؤیلییب.

او بیلدیریب کی، آغریکسیجیلرین نظارت‌سیز استفاده‌سی اؤلومه قدر گتیریب چیخارا بیلر:

«قان تضییقی یوکسک بیرینین آغرینی کسمک مقصدیله استفاده ائتدیی پرپارات موقتی راحتلیق یاراتسا دا، بئیینه قان سیزماسی (هماتوما) وئره بیلر. حتی بعضی انسانلاردا بو پرپاراتلارا قارشی آلرگیک رئاکسییا اولور. آنافیلاکتیک شوک – (ایلدیریم سرعتیله آلرگیک رئاکسییا) دئییلن پروسس باش وئردیکده، انسان نفس یولو اسپازمی سببی ایله بوغولا، یاخود تضییقین کسکین دوشمه‌سی نتیجه‌سینده حیاتینی ایتیره بیلر».

آغریکسیجیلرین آسیلیلیق یاراتماق خصوصیتینه توخونان حکیم وورغولاییب کی، رسپتسیز ساتیلان و ترکیبینده نارکوتیک ماده اولمایان درمانلار هئچ بیر آسیلیلیق یارادا بیلمز:

«بونا باخمایاراق معده‌سینده خورا، گاستریت اولان، بؤیرک، یاخود قاراجیر پروبلمی یاشایان انسانلار بو درمانلاری حکیم نظارتینده استفاده ائتمه‌لیدیر. حددن چوخ درمان استفاده‌سی دیگر ارگانلاری سیرادان چیخارا بیلر. بونا گؤره اوشاقلارین، یئنی‌یئتمه‌لرین و اورتا یاشلی انسانلارین دا دقتلی اولماسی توصیه اولونور».