آذربایجان‌لی اطراف محیط فعاللارینین شوشا-خانکندی یولو اوزرینده اعتراض آکسییاسی گونئی آذربایجانلی ملی فعاللار طرفین‌دن آلقیشلانیر. گونئی‌لی فعاللار سوسیال مئدیادا (مطبوعاتدا) آذربایجان‌لی اعتراضچیلارین خبرلرینی یایاراق، آکتیویستلرین فعالیتلرینی و آپاردیغی مباریزه‌نی دستکلییر.

گونئی آذربایجان‌لیلارین توتدوغو مؤقع طبیعی کی، ایران دولتینین موقیی ایله اوست-اوسته دوشمور. اما ایران رسمیلری هله‌لیک بو حاق‌دا هئچ بیر آچیقلاما وئرمه‌ییب. بونا باخمایاراق، ایران‌دا رئیسی حاکیمیتینه مخالیف قوه اولان اصلاحاتچیلار آذربایجان‌لی اطراف محیط فعاللارینین اعتراض آکسییاسینا (تجمع اعتراضی) گؤره اؤز «ناراحات‌لیغینی» گیزلتمیر. باشقا سؤزله دئسک، داخیل‌ده مباریزه آپارسالار دا، آذربایجانا مناسیبت‌ده ملاکراتییا ایله مخالیفتی بیرلشیر.

ملاکراتیک ایران‌دا اصلاحات‌چیلارین متبوع اورگانلاریندان بیری «آرمان امروز» (گونون هدفی) قزئتی «ایران میدانا گیرسین» باشلیقلی یازی درج ائد‌رک، ارمنیلرین موقعینی دستکله‌ییب. مقاله‌ده آذربایجانین ارمنیلره قارشی «تجرید ائتمه» پلانی یئریتدیی ادعا ائدیلیر. «آرمان امروز» درج ائتدیی مقاله‌نین ایلک جمله‌سین‌ده آذربایجان رسپوبلیکاسینین آدینی قصداً تحریف ائد‌رک، «باکی رسپوبلیکاسی» ایفاده‌سین‌دن ایستیفاده ائدیب.

بو، سون واختلار ایران حاکمیتینه باغلی مئدیانین ایشلتدیی ایفاده‌دیر. اکثر مقاله‌لرده «باکی رسپوبلیکاسی» دئیه، اؤلکه‌میزی آشاغیلاماغا چالیشیرلار.

مقاله‌ده داها سونرا آذربایجان پرزیدنتینین آپاردیغی سیاسی خطه کؤلگه سالماغا چالیشیلیر:

«اونوتمایین کی، ایلهام علیئوین تورکییه کیمی دیگر رگیون دولتلرینین و طبیعی کی، ایسرایل کیمی رگیوندان‌کنار حکومتلرین پلانلاری ایله گونده‌مه گتیردیی بو لاییحه‌لر تدریجا نه‌اینکی جدی تهلوکه ایله اوز-اوزه قالیر، هم ده رگیونال نیظامین فعالیتینین پوزولماسینا سبب اولور. روسییا-اوکراینا محاربه‌سی باشلایاندان سونرا بو حربی قارشی‌دورما ایرانین شمال سرحدلرینی جدی تهلوکه ایله اوز-اوزه قویا بیلر. طبیعی کی، بوندان اول ایران قطعی شکیل‌ده بیان ائتمیشدی کی، ایران و ارمنیستان سرحدین‌ده ایسته‌نیله‌ن دییشیکلیکله راضیلاشمایاجاق».

بوتون دونیایا بل‌لی‌دیر کی، آذربایجانین اؤز تورپاقلارینی آزاد ائتمک اوغرون‌دا آپاردیغی سیاست هئچ بیر اؤلکه‌نین اراضی بوتؤولویونه قارشی یؤنلمه‌ییب. آذربایجان اؤز تورپاقلارینی آزاد ائتمک اوچون ۴۴ گون ایشغالچی قوه‌لرله محاربه‌ده الده ائتدیی اوغورون نتیجه‌سی کیمی ارمنیستان کاپیتولیاسییا آکتینا قول چکدی، آذربایجانین دیگر ایشغال آلتین دا اولان اراضیلرینی بوشالتماق مجبوریتین‌ده قالدی. همین بیاناتا اساساً، آذربایجانین قاراباغ بؤلگه‌سین‌ده ارمنیلر یاشایان اراضیلرده صلحمرام‌لی روس قوه‌لرینین یئرلشدیریلمه‌سی ده نظرده توتولموشدو.

لاکین «آرمان امروز» قزئتی بوتون گرچکلیکلری گیزله‌ده‌رک رادیکال ارمنیلرین مؤقعلرینی عکس ائتدیره‌رک یازیر:

"سون گونلر آذربایجانین لاچین دهلیزینی باغلاماق جه‌دی ایله باغلی خبرلر درج اولونسا دا، ارمنیستانین دؤولت خبر آگنت‌لیگی «آرمن پرس» بیلدیریب کی، باکی اطراف محیط بهانه‌سی ایله قاراباغ ساکینلری اوچون شرایطی تهلوکه‌لی حالا سالماغا چالیشیر… ۳۰-آ یاخین آذربایجان‌لی «اکولوژی فعال» اللرینده پلاکاتلارلا لاچین دهلیزین‌ده توپلاشاراق، ۲-۳ چادر قوروبلار. بو حرکتلر دهلیزده یئرلشه‌ن روسییا بؤلمه‌سینه ده یؤنلیب و بوندان اول ده آذربایجانلی ژورنالیستلر بئله تخریبات تؤردیبلر…"

شوشا-خانکندی یولون‌دا «۳۰-آ یاخین فعال» دئییل، ۱۰۰۰-دن آرتیق‌دیر و ارمنیلره ایستیناد ائد‌ن ایرانین بعضی مئدیا قوروملاری فاکتی تحریف ائتمکله، دوشمن مناسیبتلرینی سرگیلییرلر. دیگر طرف‌دن، آکسییا اکولوژی ترورا قارشی‌دیر، روس صلحمرام‌لیلارینا دئییل و بونو ادعا ائتمک ده اخلاقسیزلیغین سون حدیدیر.

قزئت داها سونرا ارمنی منبع‌لره ایستینادا یازیر: «آذربایجان روسییا صلحمراملیلارینی گؤزدن سالماغا و بو صلهحمرام‌لیلارین میسییاسینی ۲۰۲۵-جی ایلده‌ن سونرا اوزاتماماق اوچون زمین یاراتماغا چالیشیر. عینی زامان‌دا، اورا توپلاشان اکولوژی فعاللارین ظاهری گؤرونوشو اونلارین باکی عسگرلری اولدوغونو گؤستریر…»

ارمنی یالانلارینی، آذربایجانین تانیمچیش ژورنالیستلرینی «خصو.ص تعییناتلی قوه‌لر کیمی گؤره‌ن» ارمنی یالانلارینی تیراژلاماغی بیر یانا، ایرانین بو مئدیا قورومو عسگریمیز حاق‌دا دا «باکی عسگری» ایفاده‌سین‌دن ایستیفاده ائدیر.

«آرمان امروز» قزئتی داها سونرا «آذربایجان لاچین دهلیزینی اله کئچیرمه‌یه چالیشیر» کیمی ایفاده‌لر ایشلدیب: «لاچین دهلیزینین باکی حکومتی طرفین‌دن اله کئچیریلمه تهلوکه‌سی وار».

ندنسه سرحدلرین دییشمه‌سینی اؤزونون قیرمیزی خطی آدلاندیران ایرانین مئدیاسی آذربایجانین اراضی‌سی داخیلین‌ده اولان یولو اؤز نظارتینه گؤتورمه‌سینی «تهلوکه» آدلاندیریر.

مقاله‌ده ایران خاریجی ایشلر ناظیرلیینین ترکیبین‌ده بین‌الخالق مناسیبتلر اینستیتوتونون معلمی و آراشدیرماچی احسان موحدیانا ایستینادا بیلدیریلیر:

«دکابرین ۱۲-دن بو یانا باش وئره‌نلر اوندان عبارتدیر کی، باکی رسپوبلیکاسینین بیر سیرا حربی و کشفیات قوه‌لری، طبیعی کی، ارمنیستان رسپوبلیکاسینین اساس اراضی‌سینی قاراباغ بؤلگه‌سی ایله بیرلشدیره‌ن لاچین دهلیزین‌ده روسییا صلحمرام‌لیلارینین مرکزینه اطراف موحیط فعاللاری قیافه‌سین‌ده توپلاشاراق روسییا صلحمرام‌لیلارینی تخریباتا چکیب، داها سونرا ساکینلرینین اکثریتی ارمنیلر اولان و ایندی محاصره‌ده اولان قاراباغ بؤلگه‌سینه داخیل اولماغا چالیشیرلار».

قئید ائدک کی، احسان موحدیان آذربایجانا قارشی نیفرتی ایله تانینان بیریسی‌دیر. او، همین مقاله‌ده بیلدیریر:

«وضعیت سون درجه کریتیکدیر. اولا بیلسین کی، یاخین بیر نئچه گون عرضین‌ده باکینین قاراباغ بؤلگه‌سینده حربی حرکتلری آرتسین. ایران اسلام رسپوبلیکاسینین دیپلماتیک حرکتلرینی آرتیرماسی ضروریدیر. همچینین، بیزیم حربی رهبرلییمیز باکینی بؤلگه‌ده‌کی آوانتورالارلا باغلی خبردار ائتمه‌لیدیر. بیز فعالیتیمیزی آرتیرمالی، آذربایجان رسپوبلیکاسینین عمللرینه لازیمی جواب وئرملیییک».

گؤروندویو کیمی، آرتیق چوخدان «تهران آنتی‌اسلام رسپوبلیکاسی» اولدوغونو ثبوت ائد‌ن ملاکراتییا اؤز داخیلی وضعیتی ایله مشغول اولماق یئرینه، اؤله‌کداخیلی گرگینلیین سببلرینی آرادان قالدیرماقدانسا، آذربایجان رسپوبلیکاسی ایله گرگینلیگی آرتیرماغا مئییللی‌دیر. بو یؤنده ایران مئدیاسی ارمنی مئدیاسینی دا ووروب-کئچیب. ان آزی ارمنی مئدیاسی آذربایجان دولتینین آدینی دوغرو یازیر – ایران اخلاقسیزلاریندان فرقلی اولاراق.