یوخاری

نه آغلارسان، نه سیزلارسان، بیر دردی بئش اولان کؤنلوم...

آنا صحیفه یازارلار
12 Punto 14 Punto 16 Punto 18 Punto

یولو بو دونیادان کئچیب-گئدن، اما گئدیشی ایله بیر دردیمیزی بئشه قالدیریب، کؤنلوموزو قمله یولداش ائد‌ن صنعتکاردان دانیشاجاغیق. آتاسینین – آشیق محمودون یاراتدیغی یارانی اونلا باغلاماغا چالیشانلار، ائل‌جه ده شیروان آشیق صنعتی اوچون یئریگؤرونه‌ن، عوض‌سیز ایتکی اولان شخصدن - آشیق ووقار محموداوغلودان.

۱۹۷۰-جی ایل نویابرین ۳-ده شاماخی‌دا دوغولموشدو. شیروان آشیق صنعتینین مشهور اوستادلاریندان اولان آشیق محمود علسگروغلونون ایلک اؤولادی ایدی.

او، شاماخی شهرین‌ده اورتا اختیصاص موسیقی مکتبینی و آذربایجان دولت اینجه‌صنعت اونیورسیتتینی بیتیرمیشدی. آشیق ووقار مدنیت و توریزم ناظیرلیینین تشکیلاتچی‌لیغی ایله بیر چوخ خاریجی اؤلکه‌لرده - فرانسا، آلمانییا، کرواتییا، ایسوئچ، تورکییه، روسییا، ایران و س - کونسرت پروگرامی ایله چیخیش ائتمیش‌دی، فئستیواللارین ایشتیراکچی‌سی اولموش‌دو و آذربایجان میللی صنعتینین تبلیغین‌ده آکتیو ایشتیراک ائدیردی. عینی زامان‌دا آذربایجان آشیق صنعتینین یونسکو-نون ملی-مدنی ارث سیاهی‌سینا قبول ائدیلدیکدن سونرا بو نفوذلو تشکیلاتین سئچدیی سسلردن بیری ده آشیق ووقارین ایفاسی اولموشدو. آشیق محمودون سینه‌سین‌ده دیللنن سازی سوسماغا قویمایان، اونو یاشادان، بؤیودن آشیق ووقار محمودوغلو دده قورقود امانتی اولان، اثرلردیر یاشادیلان آشیق صنعتینی ده دونیایا تانیدانلاردان ایدی. موسیقی‌چی عائله‌سین‌ده دونیایا گؤز آچمیش، ائل-اوبا نغمه‌لرینی دینله‌یه‌رک بؤیویه‌ن آشیق ووقاری سئودیره‌ن داها بیر جهت وار ایدی: آشیق صنعتینین عنعنه‌لرینی قوروماسی، هاواجاتلاری کلاسیک اوصلوب‌دا تقدیم ائتمیی باجارماسی، بیر چوخ آشیقلارین چتینلییندن قورخوب ایفا ائتمدیی و یا اونوتدوغو قدیم هاوالاری اوخویا بیلمه‌سی...

بو، اونون هر کس طرفین‌دن بیلینه‌ن ترجمه حالین‌دان بیر پارچا ایدی. بیر ده اوغول ایدی، قارداش ایدی، آتا ایدی آشیق ووقار...

اوغوللوغوندان دانیشماق اوچون نه آتا، نه ده آنا قالدی اوندان گئرییه. یئرینی، سؤزونو بیله‌ن، بیر گولوشو ایله کؤنول آلماغی باجاران ووقارسیزلیغا آناسی دا دؤزمه‌ییب گئتدی. اونون نئجه اوغول اولدوغونو بلکه ده ائله بو فاکت دئییر اؤز-اؤزلویونده: ووقارسیزلیغا دؤزه بیلمه‌یه‌رک ۶ اؤولادینی گئری‌ده قویوب گؤزونون ایلکینین یانینا تله‌سه‌ن گوللوبییم آنانین گئدیشی... بعضا هئچ نه یوخ، تکجه ائوین بؤیوک اؤولادی اولماق ان بؤیوک مسئولیت اولار. آنادان، باجی‌دان، قارداش‌دان مسئول اولان بؤیوک اؤولاد. بو عائله محمود یادگاریدیرسا آشیق ووقارین یوکونو تصور ائتمک ائله ده آسان اولمور...

من بالامی سئویرم، بالام دا اؤز بالاسینی...

آشیق ووقار آتا اولماق‌دان داها چوخ، دوست، یولداش، همدم ایدی اؤولادلارینا. ایکی اؤولاد صاحبی اولان آشیق ووقارین اوغلو دا، قیزی دا او قدر سئوگی بخش ائد‌ن آتا، اؤیود-نصیحت وئره‌ن دوست ایله احاطه‌لنمیش‌دیلر کی، گئدیشی ایله ایکی اؤولادینین دا وار اولان دونیاسینی باشینا ییخدی. اوچوق-سؤکوک دونیالاری آلتین‌دان قالخماق، یئنی‌دن باشلاماق ایسه آسان دئییلدی. اونلار هئچ ایندی ده ووقارسیز دونیادا یاشاماغا آلیشماییبلار.

آدام وار ائوده‌ن گئدیر، آدام دا وار ائلده‌ن…

اؤزون‌دن گئرییه قالان، اؤز دئییملری ایله دئسک، باشسیز قالان باجی دا، قارداش دا ۵ ایلدیر ووقار نیسگی‌لی ایله یاشاییرلار. ووقارین یئریشی، ووقارین گولوشو، ووقارین سؤزو، ووقارین آوازی…ووقارلا باغلی نه چوخ خاطره‌لر دیله گلیر کؤکسلرینده. گؤزلری یول چکیر، سونرا بیر اومید باش قالدیریر کی، بلکه بیر گون قاپی آچیلاجاق، آغیر آددیملارلا ووقار گلیب کئچه‌جک ماسانین باشینا، سازینی باساجاق سینه‌سینه، اویناق نغمه‌لریندن بیر بوغاز اوخویاجاق.

بو نیسگیل ایله یاشایانلار چوخ‌دور. ائلده‌ن گئدن آدامین مجلیسلری ده یولونو گؤزلییر. ووقارین آوازینین حئیرانی، صنعتینین آشیقی اولان شیروان اهلی، کندینین، اوباسینین آداملاری دا یاناقلارینا قونان کدر قاریشیق تبسمله خاطرلاییرلار اونو.
اینسان سئلی، روحانی هاواسینین مشایعتی ایله بو دونیادان کؤچه‌ن آدام، یولون دوشسه بیر ده گل…

تاریخ
2024.01.10 / 12:36
مولف
آیتاج آراز
شرح لر
دیگر خبرلر

تبریز دلیلری بیزی اؤزباشینا بوراخدی... – تبریزلی یازار

تبریزلیلره آچیق مکتوب: او کیشی کیمدیر؟

هیمنیمیزه غضبیمیز واردی، میزیلدانیردیق…

ارمنی تعصبو چکه‌ن «بایقوش» آذربایجانلیلار

ارمنیلر بو دعوتی قبول ائتمیرلرسه…

فاجعه اؤنوندییک: رژیمدن حاقیمیزی زورلا آلمالیییق!

سیز ۴۰ میلیونو اونوتموسوز – بایرامینیز مبارک

ارمنیلرین تهدید ائتدیی لو عسگروو وفات ائتدی

سلیمانی‌دن باکییا گؤره تهرانا سنساسیون اتهاملار

گؤیدن اؤلومون یاغدیغی ۲۰ یانوار گئجه‌سی...

خبر خطّی
Axar.az'da reklam Bağla
Reklam
Bize yazin Bağla