یوخاری

پرزیدنت سئچکیلری: رئیسینین یئرینه کیم گله‌جک؟

آنا صحیفه یازارلار
12 Punto 14 Punto 16 Punto 18 Punto

ابراهیم رئیسینین اؤلوموندن سونرا پرزیدنت‌لییه ممکن نامیزدلرله باغلی فرضیه‌لر گئتدیکجه آرتیر. بئله کی، «پرزیدنت‌لیک اوچون ممکن واریانتلار» بیر چوخ مئدیانین مهم موضولاریندان و باش‌لیقلاریندان بیرینه چئوریل‌دی.

بعضی یئرلی کیو-لر مسعود پزشکیان، محمد باقر قالیباف، علی شمخانی، محمد مخبر، محمد جواد ظریف، علی لاریجانی، محمود احمدی‌نژاد، حسن روحانی، عبدالناصر همتی، پرویز فتاح و محسن رضایی کیمی شخصلری پرزیدنت‌لییه ممکن نامیزدلر کیمی قید ائدیبلر.

عمومی دورومو دیرلندیرسک، رئیسی‌دن سونرا پرزیدنت وظیفه‌سینه گله‌جک شخصین کیم‌لییی سیاسی شخصیتلرین بو وظیفه‌یه لایق اولوب-اولماماسین‌دان داها چوخ، اونلارین سیاسی مؤقعلریندن و هانسی جریانا باغلی اولماسیندان آسی‌لیدیر.

ایران داخیلین‌ده اصلاحات‌چی، محافظه‌کار و لیبرال قوه‌لر دایم رقابت‌ده‌دیر. لاکین سون ایللرده اؤلکه‌نین بوتون تاثیرائدیجی قوروملارینی محافظه‌کارلار اله کئچیردییندن، گله‌جک پرزیدنتین ده محض محافظه‌کارلاردان سئچیلجیی احتمالی یوکسکدیر.

پرزیدنت سئچکیلرینده ایکی دفعه اوغورسوز چیخیش ائد‌ن محمد باقر قالیبافین ۱۱-جی پارلامنتین صدری کیمی صلاحیت مدتی ده باشا چاتماق اوزره‌دیر. محافظه‌کار گروپلاشما داخیلینده‌کی رقابتی نظره آلساق، اونون پرزیدنت سئچیله بیلمه‌سی چتین گؤرونور. ائله ۱۲-جی پارلامنتین صدری اولماسی احتمالی دا ضعیف‌دیر.

قالیباف ایندی پرزیدنت‌لیک اوچون واجیب واریانتلاردان بیری کیمی قید ائدیلیر، لاکین اونون رقابت میدانینا گیرمه‌سی ایله عائله‌سینین مالیه کورروپسییاسی ایله باغلی افشالارینین یئنی‌دن گونده‌مه گتیریله‌جیی و نامیزدلیینین محافظه‌چیلر شوراسی طرفیندن قیده آلینمایاجاغی احتمال ائدیلیر.

علی شمخانی ایسه محمد خاتمینین پرزیدنت‌لییی دؤورونده مدافعه ناظری، عالی ملی تهلوکه‌سیزلیک شوراسینین کاتیبی و انقلاب کشیک‌چیلری کورپوسونون کوماندانی اولوب. دفعه‌لرله شمخانینین عائله عضولرینین آدی روشوتده حاللاندیریلیب.

غربله نوه راضیلاشماسیندان سونرا محافظه‌کارلارین تنقید هدفینه چئوریلن حسن روحانینین پرزیدنت‌لییی دورونده خاریجی ایشلر ناظری اولان محمد جواد ظریف ده پرزیدنت پوستونا ممکن نامیزدلردن بیریدیر. ظریف سون آیلارداکی چیخیشلاریندا معتدل‌لیک نماییش ائتدیریر و علی خامنه‌اینین تام یانیندا اولدوغونو بیلدیریر. حتی ابراهیم رئیسینین هلیکوپترینین قزایا اوغراماسینی آمریکا ایله علاقه‌لندیرن ظریفین پرزیدنت‌لییه نامزد اولما احتمالی وار.

حسن روحانی، محمود احمدی‌نژاد و علی لاریجانی نوبتی پرزیدنت سئچکیلرینه دیگر ممکن نامیزدلردیر. هر اوچونون اولکی سئچکیلرده نامیزدلیکلری قیده آلینمامیشدی. حسن روحانینین اکسپرتلر مجلیسینه، احمدی‌نژاد و لاریجانینین ایسه پرزیدنت‌لییه نامیزدلیکلری لغو ائدیلمیشدی.
قید ائدک کی، کئچمیش ایسپیکر علی لاریجانینین کشیک‌چیلر شوراسی فیلتریندن کئچمک شانسی روحانی و احمدی‌نژاددان داها چوخدور.

مرکزی بانکین کئچمیش رهبری، ابراهیم رئیسینین پرزیدنت سئچکیلری دورونده‌کی رقیبی عبدالناصر همتی ده ممکن نامیزدلردن بیریدیر. همتی اؤتن پرزیدنت سئچکیلرینده ده اشتراک ائتمیشدی. لاکین جدی ناعلیت الده ائده بیلممیشدی.

محافظه‌کار گروپون تانینمیش سیمالاریندان اولان پرویز فتاح و و محسن رضایی‌نین آدلاری دا نامیزدلر آراسیندا اولا بیلر. محسن رضایی بیر نئچه دفعه پرزیدنت سئچکیلرینده اشتراک ائدیب و اوغور قازانماییب.

دیگر اؤنملی نامزدلردن بیری ده ایران پارلامنتینین ملت وکیلی مسعود پزشکیان‌دیر. پزشکیان اصلاحاتچی دوشرگه‌نین اؤنملی سیمالاریندان ساییلیر. ایران‌دا حاکمیتی بوتون چیخیشلارین‌دا، حتی پارلامنتین تریبوناسیندا جدی تنقید ائد‌ن شخصیتدیر. اؤتن پرزیدنت سئچکیلرینده نامیزدلییی قیده آلینماسا دا، سونونجو پارلامنت سئچکیلرینده ملت وکیللیینه نامیزدلییی قیده آلینیب. ایندییه قدر پزشکیانین آدی هئچ بیر اینسیدنت‌ده حاللانماییب. اصلاحاتچی اولماسینا باخمایاراق، محافظه‌کار و لیبراللار طرفیندن ده قبول اولونان شخص ساییلیر. لاکین محافظه‌کار گروپون اونون نامیزدلیینین قیده آلینماسینا مانعه‌لر یاراتما احتمالی یوکسکدیر.

آدلاری چکیلن شخصلردن باشقا ابراهیم رئیسینین یاخینلارینین دا پرزیدنت سئچکیلرینده نامیزدلییی ممکن‌دور. بعضی مطبوعات میدانلارا «رئیسینین یولونون داوامی» شعاری ایله چیخیش ائد‌ن شخصلرین گله بیلجیینی یازیب. حاضیرکی مدنی ارث، توریزم و صنعتکارلیق ناظری عزت اللاه ضرغامی، یوللار و شهرسالما ناظری مهرداد بذرپاش دا بو واریانتلار آراسیندادیر.

اؤنملی نامیزدلردن بیری ده رئیسینین بیرینجی معاوینی محمد مخبردیر. اونون شانسی دیگر نامزدلردن داها یوکسکدیر. مخبر هم پرزیدنت صلاحیتلرینی اجرا ائدیر، هم ده ایران رهبری علی خامنه‌ای اونون موقتی اولاراق پرزیدنت صلاحیتلرینی اجرا ائتمه‌سینی تصدیقله‌ییب.

تاریخ
2024.05.23 / 14:49
مولف
علیرضا زمانی
شرح لر
دیگر خبرلر

گونئی‌لی پداگوگ باغچه‌بان دوغوم گونودور

قادین گولرسه...

نه آغلارسان، نه سیزلارسان، بیر دردی بئش اولان کؤنلوم...

تبریز دلیلری بیزی اؤزباشینا بوراخدی... – تبریزلی یازار

تبریزلیلره آچیق مکتوب: او کیشی کیمدیر؟

هیمنیمیزه غضبیمیز واردی، میزیلدانیردیق…

ارمنی تعصبو چکه‌ن «بایقوش» آذربایجانلیلار

ارمنیلر بو دعوتی قبول ائتمیرلرسه…

فاجعه اؤنوندییک: رژیمدن حاقیمیزی زورلا آلمالیییق!

سیز ۴۰ میلیونو اونوتموسوز – بایرامینیز مبارک

خبر خطّی
Axar.az'da reklam Bağla
Reklam
Bize yazin Bağla