پهلویلر حاقین‌دا یازییا رومانتیکا ایله باشلاماق ممکون دئییل. بو عائله‌نین تاریخینده نه «ملی اویانیش»، نه ده «خالق مقاوله‌سی» وار. بورادا آردیجیل شکل‌ده یالنیز خدمت، خیانت و صاحب دییشمه مخانیزمی مشاهده اولونور. اونا گؤره ده بو مقاله پهلویلرین خیانتی ایله باشلاییر و محض عنونلا دا بیتیر.

هر شی ۱۴ یاشلی بیر اوشاغین طالع‌یی ایله باشلادی. آدی رضا خان ایدی. آدین‌داکی «خان» ایفاده‌سی نه زادگان منشایینه، نه آریستوکرات کؤکونه، نه ده تاریخی لگیتیم‌لییه اشاره ائدیردی. بو، ساده‌جه آد ایدی — او دؤور پرسیاسین‌دا مینلرله یوخسول عائله‌نین اؤولادیندا اولدوغو کیمی.

۱۸۷۹-جو ایلده پرسیانین قاجار حکمداری نصیرالدین شاه قاجار روسیادا سفرده اولارکه‌ن چار اردوسونون کازاک آتلی دیویزییاسیندان تأثیرله‌ندی. شرق حکمدارلارینا خاص ساده‌لیکله روس امپراتورون‌دان پرسیادا دا بئله بیر حربی بیرلیک یارادیلماسینی خواهش ائتدی. چار نیکولای بو خواهشی رد ائتمه‌دی و اؤز حسابینا تهران‌دا پرسیا کازاک اسکادرونو فورمالاشدیریلدی. محض همین روس حربی استروکتورون‌دا ۱۴ یاشلی رضا سیراوی عسگر کیمی خدمته باشلادی. بو فاکت بیوگرافیک دتال دئییل. بو، پهلویلر حاکمیتینین باشلانغیج کووردیناتی‌دیر.

زمانلا رضا روس کوماندیرلرینین اعتمادینی قازاناراق پیلله-پیلله یوکسلدی. بو یوکسلیش تکجه شخصی قابلیتله ایضاح ائدیله بیلمزدی. بورادا قاجار سارایینین آچیق سیاسی دستیی حل‌ائدیجی رول اوینادی. سلطان احمد شاه قاجارین راضی‌لیغی اولمادان رضا نه ۱۹۱۶-جی ایلده پولکوونیک رتبه‌سی آلا بیلردی، نه ده ۱۹۲۰-جی ایلده گنرال اولا بیلردی. ائله همین ایل او، پرسیا کازاک بریقاداسینین باش کوماندانی تعیین ائدیلدی — بو دا بیرباشا شاه صلاحیتی ایدی. و محض بو نقطه‌ده پهلویلرین دییشمز خصوصیتی ایشه دوشدو: خیانت.

۱۹۲۱-جی ایلده آرتیق پرسیانین حرب ناظیری و کازاک دیویزیاسینین کوماندیری اولان رضا پهلوینین رهبرلیی ایله چئوریلیش باش وئردی. احمد شاه حاکمیتدن کنارلاشدیریلدی. رضا اونو یوکسلدن سارایی آلچالتدی، اونو گنرال ائد‌ن حاکمیتی لغو ائتدی و شاهی فرانسایا سورگونه گؤندردی. ۱۹۲۵-جی ایلده ایسه اؤزونو «رضا شاه پهلوی» اعلان ائتدی. بئله‌لیکله، خیانت سیاسی اپیزود اولماقدان چیخاراق دولت ایدئولوگییاسینا چئوریلدی.

رضا پهلوی تورکیه‌ده آتاتورک نمونه‌سینه استناد ائد‌رک اردویا و خالقا دموکراتیک اصلاحاتلار وعد ائتسه ده، رسپوبلیکا قورمادی. بو آرتیق فاکت یوخ، تاریخین ایرونییاسی ایدی. او، مونارخییانی ساخلادی. و وئریله‌ن بوتون وعدلردن گئرییه یالنیز بیر سیموولیک آددیم قالدی — پرسیانین آدینین «ایران»لا عوض ائدیلمه‌سی.

لاکن خیانت بونونلا بیتمه‌دی. ایرانین فورمالاشماسین‌دا مهم رول اوینامیش و کازاک حربی ایستروکتورونو یارادان روسیا دا سیاسی کورسدان کنارلاشدیریلدی. بیرینجی و ایکینجی دنیا محاربه‌لری دؤورونده رضا پهلوی آلمانیایا میل گؤستردی. بو ایسه رگیونون اساس گوجلری اوچون قبول‌ائدیلمز ایدی. ۱۹۴۱-جی ایلده اس.اس.ار.ای و بؤیوک بریتانیانین بیرگه حربی عملیاتی نتیجه‌سینده رضا پهلوی حاکمیتدن اوزاقلاشدیریلدی. تاختی قوروماق اوچون ایسه عائله داخلینده یئنی‌دن خیانت اولدو. بو دفعه رضانین اوغلو محمد رضا پهلوی شاه تاختینا گؤز دیکدی و… آتاسینی جنوبی آفریکا رسپوبلیکاسینا مهاجرته گؤندردی.

محمد رضا پهلوی آتاسین‌دان فرقلی اولاراق خارجی متفقلره احتیاطلا یاناشدی. لاکن بو احتیاط داخل‌ده فرقلی نتیجه وئردی. ایران اهالی‌سینین بؤیوک حصه‌سی یوخسوللوق حدینده یاشادیغی حال‌دا، نفت و گاز گلیرلری سارای ائلیتاسینین نظارتینده جمع‌لشدی.

«شاه» عائله‌سینین دبدبه‌لی حیات طرزی، «شاهبانو» فرح هر گون قلیان‌آلتی سفره‌سینه پاریسدن خصوصی طیاره ایله کرواسانلار گتیردیر، سارای کورروپسییاسی، دولت مأمورلارینین توخونولمازلیغی و اؤزباشینالیغی، دولت ثروتلرینین تالانی جمعیتله حاکمیت آراسین‌دا درین اوچوروم یاراتدی. بو آرتیق سیاسی سهو یوخ، سیستم‌لی شکل‌ده خالقا قارشی خیانت ایدی. نتیجه‌ده محمد رضا پهلوی خالقین دئییل، سارایین و غرب پایتاختلارینین حکمدارینا چئوریلدی.

بونونلا بئله، محمد رضا پهلوی آتاسین‌دان فرقلی اولاراق اس.اس.ار.ای-یه آچیق خیانت ائتمه‌دی. او، استالینله ایلک گؤروشوندن سونرا بو تأثیردن تام چیخا بیلمه‌دی. سووئت تهلوکه‌سیزلیک و اداره‌چی‌لیک مدلی ایران‌دا معین درجه‌ده قوروندو. محض بو بالانس غربین ناراضیلیغینی آرتیران اساس عامللردن بیری اولدو. زمان کئچدیکجه «شاه» نفت قیمتلرینده داها مستقل مؤقع توتماغا باشلادی و رگیون‌دا سربست دانیشماغا جهد ائتدی. غرب اوچون بو آرتیق دموکراتییا دئییل، نانکورلوق ایدی.

تاریخین غریبه بیر خصوصیتی وار: اونو یازانلار چوخ واخت اوخومورلار. بو دفعه ایران خالقینین خلاصی اوچون دعالار پاریسده یازیلدی. ساکت کوچه‌لرده، کامرالارا گولومسه‌یه‌ن بیر دین آدامی «عدالت» چاغیریشلاری ایله صحنه‌یه چیخ‌دی. اونون آدی روح‌الله خمینی ایدی. ۱۹۷۹-جو ایلده انقلاب باش وئردی. خمینی غرب‌دن ایرانا قاییتدی، شاه ایسه عائله‌سی ایله غربه سیغیندی. غرب درین نفس آلدی کی، ایرانلا پروبلم سونا چاتدی. اما پروبلم هله ایندی باشلاییردی. یئنی ایران غربین ایسته‌دیی ایران اولمادی. آمریکا سفیرلیی یاندیریلدی، مناسبتلر دشمنچی‌لییه چئوریلدی. غرب بیر داها باشا دوشدو: ایسته‌دیی آدامی گتیرمک، ایسته‌دیی سیستمی یاراتماق دئمک دئییل.

بو گون تاریخ یئنی‌دن آرخیودن چیخاریلیر. کؤهنه حامام، کؤهنه تاس. و بو تاسین چیرک سویون‌دا تانیش سیما - شاه. گویا یئنی حل، اصلینده ایسه استفاده اولونموش کؤهنه سخم. لاکن بوگونکو ایران ۱۹۷۹-جو ایلین ایرانی دئییل. سانکسییالارلا فورمالاشمیش، ایدئولوگییالاردان یورولموش، دولتله جمعیت آراسین‌دا درین چاتلار اولان بیر اؤلکه‌یه کناردان لیدر گتیرمک یانغین اولان ائوه بنزین تؤکمک کیمی‌دیر. بو، وطنداش محاربه‌سی ریسکی‌دیر. بو، رگیونال فلاکت احتمالی‌دیر.

۱۹۱۷-جی ایلده لنین انقلابی پتربورگدا، حیاتینی ریسکه آتاراق اداره ائتدی. ۱۹۱۸-جی ایلده فتحعلی خان خویسکی باکییا گیره‌رک دولت قوردو. بوگونکو پهلوی ایسه اوکیانین او تاییندان «کوچه‌لره چیخین» دئییب، سونرا دا آناسی کیمی فرانسا کرواسانی و تهران کوچه‌لرینده پلیس دینکلری آلتین‌دا قیریلان طالع‌لرین خیرتیلتی‌سینی دینلییر. بو لیدرلیک دئییل. بو، قورخاقلیق و مسئولیتسیزلیکدیر. و بو چاغیریشلار نتیجه‌سینده اؤلن هر بیر انسانین قانی - یالنیز موجود حاکمیتین دئییل، پهلوی خولیاسینین دا پنجه‌سینده‌دیر. چونکی تاریخ آرتیق حکمونو وئریب: پهلوی - یالنیز بیر عائله‌نین فامیلی دئییل، «خیانت» سؤزونون سویادیدیر.

الله ایران‌دا هلاک اولانلارا رحمت ائلسین.

پ.س. بو مقاله پهلویلره نیفرتدن یوخ، تاریخ‌دن درس چیخارماق اوچون یازیلیب.

واحید مصطفی‌یئو،

آ.ن.س شرکتلر گروپونون رهبری