ایندیکی زامانین شخص شکیلچیلری نقلی کئچمیشده اولدوغو کیمیدیر./فعللرده بیتیشن شخص عوضلیکلری بؤلومونه باخ/ زامان و شخص شکیلچیلریله بیرلیکده ایندیکی زامانین کامل تصریفی بئله دیر:

انکاریندا یا بیر "م" فعلین کؤکونه علاوه اولار.مثلا: آلمیرام، بیلمیرم، آلمیریق.. و یا "ما-مه" فعلین کؤکونه آرتیریلیر. بئله حالدا ایکی سسلی یان یانا گلرسه اونلارین آراسینا بیر "ی" سس سیز حرفی علاوه اولونار. مثلا: آلماییرام، بیلمه ییرم..

ه- قطعی گلجک زامان: گلجک زامانین شخص علامتلری "فعللرده بیتیشن شخص عوضلیکلری" بؤلومونده وئریلمیشدیر.

زامان و شخص شکیلچیلریله بیرلیکده قطعی گلجک زامانین کامل تصریفینی آشاغیداکی جدولده گؤرمک اولار.

انکاریندا فعلین کؤکونه "ما- مه" شکیلچیلری علاوه اولار. مثلا: وورمایاجاغام، آلمایاجاغ، گلمه یه جکلر..

و- غیر قطعی گلجک زامانین شخص علامتلری "آر- ه ر" دیر کی، "فعللرده بیتیشن شخص عوضلیکلری" بؤلومونده وئریلمیشدیر. زامان شکیلچیلریله بیرلیکده قطعی گلجک زامانین کامل تصریفینی آشاغیداکی جدولده گؤرمک اولار.

انکاردا بیرینجی شخص تک و جمعده فعلین کؤکونه یالنیز "م" علاوه اولار. مثلا: وورمارام، بیلمه ریک.. ایکینجی شخص تک و جمعین انکاریندا "ما- مه" انکار علامتیله "آر- ه ر" غیر قطعی گلجک زامان شکیلچیلریله بیرلشیب یا "ماز-مه ز" یا دا " ما- مه" شکلینه دوشر و هر ایکی شکیلده ایشلنیر. مثلا: وورمازسان، بیلمزسن...

اوچونجو شخص تک و جمعین اینکاریندا "ما- مه" و "آر- ه ر" شکیلچیلری بیرلشیب "ماز- مه ز" شکلینده ایشله نیر. مثلا: وورمازلار، بیلمز، بیلمزلر، سؤیله مز، سؤیله مزلر..