فعللرین مختلیف شکیللرینین ده اؤزلرینه خاص شرطلری اولور، لاکن مصدر و امر شکیللرینین شرطی اولماز، قالانلارینین شرطی آشاغیداکی قایدا ایله اولور:

١- خبر شکیللرینده: معمولا فعلین بوتون خبر شکیللرینینده شرط علامتی بوتون علامتلرین سونوندا گلیر. مثلا:

شهودی کئچمیش: یازدیمسا+ یازدینیزسا

نقلی کئچمیش: یازمیشامسا+ یازمیشدیلارسا.

داواملی کئچمیش بیرینجی نوع: یازیردیمسا.

داواملی کئچمیش ایکینجی نوع: یازاردیمسا+ یازاردیسا

اوزاق کئچمیش: یازمیشدینسا..

ایندیکی زامان: یازیرامسا، یازیرلارسا..

قطعی گلجک زامان: یازاجاغامسا..

غیر قطعی گلجک زامان:یازارامسا، یازارسینیزسا..

٢- غیرشهودیلیک شکیللرده: بو علامت غیر شهودیلرین بعضیسینه قوشولار، اؤزوده آخیردا گلر:

ایندیکی زامان: یازیرمیشامسا، یازیرمیش سینیزسا..

قطعی گلجک زامان: یازاجاق ایمیش سینیز سه..

غیر قطعی گلجک زامان:یازارمیشامسا..

٣.- فعلین لازیم شکیللرینده: بونلاردادا "سا-سه" معمولا لاپ آخیردا گلیر. مثلا:

ساده شکیلده: گؤره سیییک سه..

مرکب شکیلده: آلاسی ایدیمسه...

غیر شهودی شکیلده: آلاسی ایمیش سینیز سه، گله سی ایمیشمسه..

فعلین واجب شکلینده: بوشکیللرده ده "سا-سه" معمولا آخیردا گلیر. مثلا:

ساده واجب شکلینده: آلمالییامسا..

مرکب واجب شکلینده: آلمالی ایدیمسه

غیر شهودی شکیلده: گؤرمه لی ایمیش سن سه..

۵- فعلین داوام شکلینده: بونلاردادا شرط علامتلری معمولا آخیردا گلیر. مثلا:

ساده داوام شکلینده اوخوماقدایامسا..

مرکب داوام شکلینده: اوخوماقدا ایدیمسه...

غیر شهودی شکلینده: اوخوماقدا امیشمسه...