هم تصدیق، همده اینکار فعللردن فعلی باغلاما دوزلدن بو شکیلچیلرله یارانان فعلی باغلامالار جمله نین اساس فعلی باش وئرن زامان آیری بیر ایشین باش وئرمه سینی بیلدیریر.

بو فعلی باغلامالار زامان، حال- وضعیت، بعضا ده عینی جمله ده هم زامان، همده حال- وضعیت مضمونو ایفاده ائدیر.

بو فعلی باغلامالار ساده جمله ده یا زامان ظرفی یا دا طرز حرکت ظرفلییی اولور. مثال : او بو سؤزو ائشیده نده دیک آیاغا قالخدی. او هوشا گلنده تیتره دی.

بونلار ساده جمله لرین همجنس عضولری اولا بیلرلر. مثال: آنا بالاسینی گؤرنده، اوندان آیریلاندا آغلاییردی.

بو فعلی باغلامالار ساده گنیش جمله لرده فعلی باغلاما ترکیبی یارادیر و جمله نین مرکب زامان ظرفلیکلری اولور. مثال: یازدا ایلدیریم چاخاندا، یاغیش یاغاندا، یئر گؤی سسلننده قاچیب گیزله نردیم..

بو فعلی باغلامالارین دا شخصی و زامانی اولمور و اونلار جمله نین اساس فعلیندن بیلینیر. مثال:

من گدنده کتابی آپارارام... سن گدنده کتابی آپارارسان...