مستقل نطق حصه لریندن بیری ده ندادیر. ندالار انسانین حسلری، شادلیغی، تعجبو، قورخوسو، نفرتی، کدری... ینی نشان وئرن کلمه لردیر، او بیری مستقیل نطق حصه لرینین عکسینه، ندالار تکلیکده بیتمیش فکر افاده ائدیر و آیری نطق حصه لریله هئچ بیر علاقه لری اولماز. ندالارین آخریندا تعجب علامتی (!) قویماق لازیمدیر. ندالار ایکی جور اولور.

١- اصل ندالار: بونلارین آیری نطق حصهلریله علاقه سی اولماز و اونلاردان آیری سؤز دوزلمز. ندالارین چوخ ایشلننلری بونلاردیر: آه! آخ! وای! پاه! اوف! به- به! په-په! هارای! هیهات!

٢- هم ندا، همده آیری معناسی اولانلار: بونلارین سایی چوخدور. بیر نئچه نمونه: آه! افسوس! حیف! آمان! جان! آفرین! تاسف!...

ندالارین معناجا نوعلری.

ندالارین معناجا آشاغیداکی نوعری واردیر:

١- خطاب بیلدیرنلر: آی! ای!

٢- هیجان، نفرت.. بیلدیرنلر: وای! بای- بای! آه! آخ! واه! به- به!

٣-امداد، اضتراب، چاغیریش بیلدیرنلر: هارای! آی هارای! آمان! آی آمان!..