جمله نین اولینده گلن "بلی- یوخ- خییر- یاخشی" سؤزلری

دیلیمیزده "بلی- یوخ- خییر- یاخشی" سؤزلری جمله نین اولینده گلیر و جمله نین او بیری عضولریله باغلی اولماز، بونا گؤره ده آرا سؤز حساب اولونار. بو سؤزلردن "بلی" تصدیق، کنایه و یا تصدیق- آرزو مقامیندا ایشلنیر. مثلا:

بلی، بلی! دئیه میرزا رسول اونون سؤزونو تصدیق ائدیب علاوه ائتدی،

بلی، بو دا بیزیم قازانجیمیز.

بو سؤزلردن "یوخ" یا دانیشانین اؤز سؤزونون و یا باشقاسینین دئدییی فیکری رد ائتمک اوچون ایشلنیر. مثلا:

یوخ، تانریم یاشاماق ایستییرم.

یوخ، یوخ! منه گولزاردا پیمانه گرکمز.

بو سؤزلردن "خییر" طرفین فیکری و سؤزونه قارشی اعتراض بیلدیرمک اوچون ایشلنیر. مثال:

خییر، خییر،.. ایش سیز دئین کیمی دئییل.

بو سؤزلردن "یاخشی" سوال جمله لرینین اولینده گلیر و مختلیف احساساتی نظره چاتدیرماق اوچون دئییلیر و بعضا تکرار اولار. مثال:

یاخشی، یاخشی! اؤزونو تولکو اؤلومونه وورما.