تبریز دیالئکتینده صایتلرین آرتیمی آز یاییلمیشدیر. بو سؤزون اولینده ، اورتاسیندا و سونوندا بیر-بیریندن فرقلی فونئتیک شرایتده تصادف اولونور.

سؤز اولینه صایتلرین آرتیریلماسی

تبریز دیالئکتینده ده سؤز اولینه صایتلرین آرتیمی آلینما سؤزلره عایددیر. بئله کی، هر بیر دیالئکت نوماینده سی بعضی آلینما سؤزلرین اولینه صایت آرتیرماقلا همین سؤزلری اؤز تلفظ سیستمینه اویقونلاشدیریر. تبریز دیالئکتینده بو قوشا صامتلردن (ست، شک، سر، سپ) و سونور "ر" سسیندن اول اؤزونو گؤستریر.

"ی" سسینین آرتیریلماسی: ستکان- ایستکان، ایسکنجبی(شربت)، راحت- ایراحت، راحیم- ایراحیم، ریحان- ایریحان، گرام-گیرام، ، مئتر- مئتیر...

"و" سسینین آرتیریلماسی: تورپ- توروپ، یومشاق- یوموشاق، یومروق- یوموروق، ظلم- ظولوم...

" ٲ " سسینین آرتیریلماسی: جوربه جور- جوره به جوره، کلمه- کله مه..

"ۆ" سسینین آرتیریلماسی: حکم- حکوم، برج- بورج..

سؤز سونونا صایتلرین آرتیمی

تبریز دیالئکتینده بو ب، ی، ک، م سسلریندن سونرا تصادف اولونور.

"ی" سسینین آرتیریلماسی: هم- همی

" ٲ " سسینین آرتیریلماسی: غریب- غریبه، گیلئی- گیلایه،