د<ت. بو حادیثه یه سؤزون اورتاسیندا و سونوندا تصادف اولونور. مثلا: اوتوزماخ، سوت، امروت، اود- اوت، قورت، قانات...

ق<خ. تبریز دیالکتینین فونتیک خصوصیتلریندن بیری ده سؤزون سونوندا ق سسینین کار "خ" سسی ایله عوضلنمه سیدیر. مثلا: باشماخ، بوجاخ، ایاخ، یاماخ، پیسدیخ، ده راخ...

ز<س. دیالکت و لهجه لریمیزین جنوب قروپوندا مشاهده ائدیلن ز<س عوضلنمه سینه تبریز دیالئکتینده بوینوس، اؤکوس، الماس، اولماس، پالاس.. سؤزلرینده راست گلینیر.

و<ف. و سسینین ف سسی ایله عوضلنمه سی تبریز دیالئکتینده بیر نئچه سؤزده مشاهده اولونور. مثلا: مهو- مف، تحویل- ته فیل...

گ<ح. اساسا ایکی حجالی سؤزلرین سونوندا باش وئرن گ<ح حادیثه سی تبریز دیالئکتینه خاص اولان خصوصیتلردن اولونور. بو، ائگ صامت بیرلشمه سی ایله قورتاران سؤزلره آیددیر. بئله سؤزلرده "ن" سسی دوشور و نتیجه ده "گ " سسی "ح" سسی ایله عوضلنیر. مثلا: رنگ- ره، تفنگ- توفه، قشنگ- قشه، پلنگ- په له...

چ< ش. آذربایجان ادبی دیلینده سؤز سونونداکی "ج" سسینه تبریز دیالئکتینده "ش" سسی اویغون گلیر. مثلا: آغاج- آغاش، احیاج- احتییاش، کرپیش، محتاج- محتاش، اوماج- اوماش...