تبریز دیالئکتینده تصادف اولونون حادیثه لردن بیری ده سؤز ترکیبینده صامتلرین یئرده ییشمه سیدیر. بو حادیسه گئنیش یاییلمیشدیر. تبریزلیلرین دانیشیق دیلینده بو جور ده ییشمه یه داها چوخ میل گؤسترن سونور "ر" سسیدیر. بو سس نوعوندن آسیلی اولمایاراق اؤزوندن سونرا گلن صامتلرله تئز-تئز یئرینی ده ییشیر. تبریز دیالئکتینده یاناشی صامتلرین یئرده ییشمه سینین مختلف نوعلری نظره چارپیر.

ر←گ. سؤزون ترکیبینده "ر" سسی اؤز یئرینی "گ" سسی ایله ده ییشیر. مثلا: اؤرگه نیر< اؤگرنیر< اؤیره نیر..

ر←ب. مثلا: تبریز- تربیز..

پ← ح. سؤزون ترکیبینده "پ"و "ح" سسلرینین یئرده ییشمه سینه تصادف ائدیلیر. مثلا: پهریز- پرهیز، فرهاد- فهرات..

ر← ت. سؤزون ترکیبینده کی "ر" سسی اؤز یئرینی" ت" سسی ایله ده ییشه بیلیر. مثلا: اؤرتوک- اؤرتوخ..