چوخالتما درجه سی علامت و کئیفیتین نورمادان چوخ اولدوغونو بیلدیریر. بو درجه نین ایفاده سینده ادبی دیلله دیالکت و لهجه لر آراسیندا فرقلی جهت نظره چارپمیر. چوخالما درجه سی ایکی یوللا عمله گلیر. بیرینجی یول: توت، لاف، توخ، داها، دا، چوح، زیل، دوم کیمی ادات و سؤزلر واسطه سیله دوزلیر. مثل: توت قهوه یی، توت قره، داها توخ ساری، چوح قشه، چوح گؤزل، زیل قره، لاف یاخچی، دوماق.. چوخالتما درجه سینی عمله گتیرمک اوچون صفتین ایلک هجاسی و یا ایلک ایکی سسی اوزرینه ر، م، پ،ف سسلریندن بیری آرتیریلیر. مثل: باپبالاجا، ساپساری، یئپ یئکه، قیپ قیرمیزی...

سای

دیالئکت و لهجه لرین خصوصیتیندن آسیلی اولاراق، سای بیلدیرن سؤزلرین بعضیسی مختلف فونئتیک ترکیبده تلفض اولونور. بئله فرقلرین بیر قیسمی تورک دیللرینه، معین حصه سی ایسه سیرف دیالکتلره مخصوص خصوصیتلردن ایرلی گلیر.