تبریزو دیالکتیند تلفظ جهتدن فرقلنن مقدار سایلاری بونلاردیر: بیر- بی، ایککی- ایکی، اوش، دؤت، یئتتی، اوم بیر، اوم بئش، ایرمی، اوتتوس- اوتوز، قیخ- قیرخ، هشتاد، ایکوز- ایکی یوز،

ادبی دیلدن فرقلی اولاراق، تبریز دیالکتینده سکسن عوضینه هشتاد ایشلنیر.

تبریز دیالئکتینده مقدار سایلاریندان سونرا نومراتیو سؤزلر ده ایشلدیلیر کی، بو دا آشاغیداکیلاردان عبارتدیر. بیر قاش قارپیز، بئش- آلتی باغ یئرکؤکو، اوش چتور چای، ایکی قتره داوا، شوردره تبریزدن آلتی آغاش آرالیدی...

تبریز دیالئکتینده مقدار سایلاریندان سونرا ایشلنن ایسیملر بیر سیرا حاللاردا جمع شکیلچیسی ده قبول ائدیر. مثل: گؤردو قیرخ نفر حرامیلر دور- دور اوتوروبلار. خلاصه اوروش بایرامینا یاخین اصفهاندا بیر میلیون ایراننیلار حاضر اولدولار.

سیرا سایلاری.

تبریز دیالکتینده سیرا سایلاری – مینجی، ایمینجی شکیلچیسی ایله افاده اولونور. مثل: تبریزده بیرمینجی ساییلان ایش باشماخچیلیخدی. اوندا اوچومینجی دفه ایدی کی، گؤروشوردوم قرده شیمنن. دمیرچی گجه- گونوز ایشلدی، آنجاخ آخیریمینجی گجه ایشین حاممیسی قورتولمامیشدی.