غیری معین عوضلیکلر.

تبریز دیالئکتینده غیری معین عوضلیکلرین ایچریسینده بیر مقدار سایینین واسطه سیله عمله گلنلره تئز تئز تصادف اولونور. مثل: بو گون اردبیلیدن بیر آدام گلمیشدی. بیر نفر گینه راس گلر. بیری تبریزده دی، قیزین وه ریپ رشته..

ادبی دیلیمیزدکی هامی عوضلییی تبریز دیالئکتینده قوشا صامتله هاممی شکلینده ایشلنیر. بو عوضلیک اسمین حال و منصوبیت شکیلچیلرینی قبول ائتدیکده ده دیالئکته خاص اولان فورماسینی محافظه ائدیر. مثل: بیرمینجی بایراما گؤره هاممیمیز گئده روخ اولارا. هاممیسینین اوره یی اوتدی. هر سؤزونون کؤمییله ایله عمله گلمیش هر بیر، هر کس عوضلیکلری تبریز دیالئکتینده ده فعال موقع یه مالکدیر. مثل: شیرنی پایلادیخجان هر کسه نین قابانا قوییردیلار نلبکیده. هر بیری منم قیزیمجان جاحاز گتیرین.