نقلی کئچمیش زامان

تبریز دیالئکتینده ادبی دیلیمیزده نقلی کئچمیش زامان اساس افاده واسطه سی کیمی (میش، مێش، موش، مۇش) شکیلچیسینه یالنیز بیرینجی شخصده تصادف اولونور. فرق اوندادیر کی، بیرینجی شخص جمع ده دوداقلانمایان صایتلی فعللره "اوخ" شخص شکیلچیسی علاوه اولونور. مثل: توخیمیشام،دئمیشوخ، ائلهمیشوخ، قالمیشوخ..

ایکینجی شخصین تک و جمعینده (می، مێ، مو، مۇ) شکیلچیسیله برابر (یپ،ێپ، اوپ، ۇپ) زامان شکیلچیسی و (سان، سن، سوز) شخص شکیلچیلری ایشلنیر.مثل: اولوپسان، چکیپسن، ییقیشمیسو:ز، دیمیسو:ز..

اوچونجو شخصده (یپ،ێپ، اوپ، ۇپ) شکیلچیسی اؤزونو گؤستریر. اوچونجو شخص جمعده ده لار، لر شکیلچیسینین لا، له فورماسی مشاهده اولونور. مثل: یارادیپلا، توتوپلا، چالیپلا...

نقلی کئچمیش زامانین انکاری (ما، مه) شکیلچیسینین کؤمییله عمله گلیر. مثل: سوروشمامیسو:ز، قویلامامیشوخ...