تبریز دیالئکتینده ده قطعی گلجک زامان "آجاق، اجک" شکیلچیسیله افاده اولونور. لاکن فعللر شخصلر اوزره ده ییشنده همین شکیلچی مختلف فورمالاردا چیخیش ائدیر. بیرینجی شخصین تکی آجاق، اجک زامان شکیلچیسینه "آم" شخص شکیلچیسینین علاوه اولونماسی ایله عمله گلیر.بو شخصده زامان شکیلچیسینین بیر فورماسی "اجاق" شکلینده اولدوقوندان شخص علامتی ده بیر فورمالیدیر. مثل: وئره جاقام، گؤره جاقام، چکه جاقام.. تبریز دیالئکتینده بیرینجی شخصین تکینده قطعی گلجک زامانین مورفولوژی علامتی "اج، ج" شکلینده ایشلنیر.مثل: دوشه جام، کسه جام، گوله جام.. بیرینجی شخصین جمعی آجاق، اجاق" زامان شکیلچیلرینه بیر فورمالی "اوخ" شخص، همین شکیلچینین "آجی، اجی، ج" فورماسینا "یوخ" شخص شکیلچیلرینین آرتیریلماسی ایله دوزه لیر. مثل: چیخاجاقوخ، گتیره جییوخ.. ایکینجی شخصین تک و جعمی آجاق، اجاخ شکیلچیسیله "سان، سوس" شخص شکیلچیسینین بیرلشمه سی نتیجه سینده عمله گلیر. مثل: یئ تیشه جاقسان، قورتاراجاخسوس، دوشه جاخسوس.. اوچونجو شخصین تکی یالنیز زامان شکیلچیسیندنعبارت اولور، جعمی ایسه زامان شکیلچیسینه "لا، له" کمیت شکیلچیسینین علاوه سی ایله دوزه لیر. مثل: بیله جاق، دوزه لجاق، دوزه لجاق.. قطعی گلجک زامانین انکار فورماسی (می) شکیلچیسینین فعللره علاوه سی ایله عمله گلیر. مثل: اینانمییاجاخ، گؤروشمییاجاقام...