آرزو شکلی

تبریز دیالکتینده ده آرزو شکلی آ، ه، یا، یه شکیلچیسی ایله ایفاده اولونور. سونو صایتله بیتن فعل اساسلارینا آرزو شکلینین قراماتیک علامتینی علاوه ائتدیکده آچیق صایتلر قاپالی صایتلره چئوریلیر. مثل: یوللییام، دئمییه سن، آقلییه، ایشلییه له..

بیرینجی شخصین تکینده (م)، جعمده (خ) شخص شکیلچیلری ایشلنیر. مثل: بولخ، آلاخ، گئدم، دانیشاخ..

اوچونجو شخصین تکینده شخص شکیلچیسی ایشلنمیر.، جعمی بوتون فعللرده کی کیمی (لا، له) شکیلچیسینین علاوه سی ایله دوزلیر. مثل: قورتولا، سوروشالا، دانیشالا...

آرزو شکلینین انکار فورماسی – می شکیلچیسینین واسطه سیله دوزلیر. مثل: گؤرمییه سن، آقلامییه سیز، ایشده مییه..

بو شکلین مرکبی ایدی کمکچی فعلینین کمییله ایله دوزلیر.مثل: گتیرییدیم، آلییدیم، وئرمییئیدیم. بئله نمونه لرده آرزو شکلی (ائی) شکیلچیسی ایله ایفاده اولونور..