فعلی باغلاما

تبریز دیالکتینده فعلی باغلاما عمله گتیرمک اوچون فعللرین سونونا علاوه اولونان شکیلچیلر مختلفدیر:

١- ایب، اێب، اوب، اۇب. قدیم تاریخه مالک اولان بو شکیلچی تبریز دیالکتینده گئنیش یاییلمیشدیر. مثل: شهرین زیبیلین آپاریب تؤکدولر چؤله..

تبریز دیالئکتینده "ایب، اێب، اوب، اۇب" شکیلچیسینین ایپ، اێپ، اوپ، اۇپ فورماسینا دا راست گلینیر. مثل: هامیسینین ایش، گوج وخدی چاتان اؤلوپ گئداجاخدا..

بعضن "ایب، اێب، اوب، اۇب" شکیلچیسی "آنده، انده" فورماسینین سینونیمی کیمی چیخیش ائدیر.

٢- ێ، ی، او،اۇ شکیلچیلری فعلی باغلامانین قدیم افاده فورمالاریندان بیریدیر.مثل: گئدی قاپلارین دؤیی، اوقلان نه نه سی گلی..

آنده، انده شکیلچیسی تبریز دیالکتینده فعال موقع یه مالکدیر. مثل: ماللالار اوخیینده آرواتلار دانیشاللا..

بو شکیلچینین افاده ائتدییی معنا مصدرله "هامان" سؤزونون بیرگه ایشلنمه سی نتیجه سینده ده عمله گلیر. مثل: اما یازد جوانه لر جوجرماخ هامان بی توکوممنار چوحالیر..

٣- آننان، اننن-شکیلچیسی: بی صحبتدر ماللار کتده قالاننان باشلادی. من کی بیلار گلننن بی ایکی دفعه گئتمیشم عم قیزیگیله..

٤- مامیشدان، ممیشدن.. حاجی دیییدی کی، مکه یه گئتمه میشدن قوناحلیخدان اؤتور سه: تویوخ سفارش وئرمیشم..

۵- اینجاق، ااێنجخ، اونجاخ، اۇجخ..شکیلچیلری-قونشیلاریمیز یئتیشجاخ اؤزیم بوتون ایشلری گؤررم. کیشیلر آلاچیق قورونجاخ زناننار چخدیرمه پیشیریلله...