ظرف

تبریز دیالکتینده ظرف مهم خصوصیتلری ایله دیگر نطق حصه لریندن سئچیلیر. ساده و دوزلتمه ظرفلره نسبتا مرکب فورمالار اوستونلوک تشکیل ائدیر. تبریز دیالکتینده ظرفین معناجا آشاغیداکی نوعلری واردیر:١. طرز-حرکت ظرفی ٢. زامان ظرفی،٣ یئر ظرفی ٤. کمیت ظرفی.

طرز-حرکت ظرفی

تبریز دیالکتینده طرز-حرکت ظرفی ظرفین باشقا نوعلری ایله مقایسه ده گئنیش یاییلمیشدیر. مثل: من باشماخچیلیقی دا یاخچی باشاررام. اما اؤلن قردشیم ننه دن چاق اولموشدی. کول وئریردوخ، کلم باشلیردی بالا-بالا بؤیوماقا.

زامان ظرفی.

تبریز دیالکتینده ان چوخ ایشلنن زامان ظرفلری بونلاردی. مثل: بایاخ، هممیشه، سورادان، سوراداننان، تئزدننن، سحرچاقی، قیش وخدی، بیر گوننری، ایننن بئله. مثل: بیر گوننریی بیزده تووخ زاد گتیریپ ساتاردیلا. بیاقدان قولاغیم سندیدی.

یئر ظرفی

تبریز دیالئکتینده یئرحرکت ظرفلری ده گئنیش شکیلده مشاهده اولونور. بونلارین چوخ حصه صی آذربایجان ادبی دیلینده ایشلنن و یا اولارین فونتیک جهتدن دییشیلمیش فورمالاریدیر. مثل: دؤحدورو گؤرن ساحات بورا گلدی. او پیلله دن گئدیریز اشاقی، ایراخ گئتدیله، فیکیر ائلیرم بو تئزلیخدا گلیپ چیخمازلا..

کمیت ظرفی.

تبریز دیالئکتینده ان چوخ ایشلنن کمیت ظرفلری بونلاردیر: مثل: بوایللری داوارراردان خیلاخ ساتمیشوخ. شور دره تبریزدن آلتی آغاش آرالیدی.