قوشمالارین آردی

۷- جان، جن. سؤزه بیتیشیک تلفظ اولونماسی، اؤزوندن اولکی سؤزون یؤنلوک حالدا ایشلنمه سینی طلب ائتمسی و مسافه بیلدیرمسی بو قوشمانین سجیه وی خصوصیتلرینی تشکیل ائدیر. مثل: او دا اربه نی مه م اؤیومه جان گتیریپ..

تبریز دیالکتینده جان، جن قوشماسینین جاد/جد فورماسینا دا تصادف ائدیلیر. مثل: قیشلاقاجاد دؤره ورده کی کتدردن داوارراری اوتارا اوتارا آپاراللا.

٨.- طرف. بو قوشما طاراف شکلینده ده ایشلنیر و استقامت بیلدیریر. مثل: او:لان اوی گلین آپارماخچین قیز اوینه طرف گلیله.

٩.- گؤره. سبب مضمونو افاده ائدن گؤره قوشماسی اؤزوندن اولکی سؤزون یؤنلوک حالدا ایشلنمه سینی طلب ائدیر. بو قوشما تبریز دیالئکتینده ایکی شکیلده هم سؤزدن آیری، همده بیتیشیک تلفظ اولونور.

٠١ اؤتور- تبریز دیالکتینده اؤتور قوشماسی اؤتور شکلینده ایشلنیر و سبب مضمونو افاده ائدیر. مثل: فکر ائله میرم، ایندی گؤروشدن اؤتور گلن اولا.

بو قوشما اورمیه لهجه سینده اؤتوری شکلینده ده فعالیت گؤستریر. بعضا ساری قوشماسی دا سبب معناسی بیلدیررک، اؤترو قوشماسینین سینونیمی کیمی چیخیش ائدیر. مثل: خوب، قرده شیننن ساری برک نییاراندیم.

١١- یانا. سبب مضمونو اقاده ائدن بو قوشما اؤزوندن اولکی سؤزون اسمین چیخیشلیق حالیندا اولماسینی طلب ائدیر. مثل: صاباح مالدان یانا تبریزه گیده جییوخ.