ادات (آردی)

١٠. دانا. تبریز اطرافی دیالئکتینده دانا اداتینا تئز-تئز تصادف اولونور. مثل: ایت ده قوریخچیدی دانا قوینا. ایت اولماسا، قوینی داقیدار دانا جاناوار.

١١. دای، تای. ایکی فورمادا ایشلنن بو ادات معنانی قوتلندیرمیه خدمت ائدیر. مثلا: مشدی، دای ایشلییه جییوخ دا آخشاماجان. تویدا کی، داوار آپاریللا، بئش دانا، اوش دانا، دویی آپاریللا، تای اوردا ایشکی- میشکی او وخلر اولمازدی.

١٢. تا- بو تبریز دیالئکتینده آز تصادف اولونان اداتلارداندیر. مثلا: تا من اونی گؤرمه دیم. تا اوننان گئدیروخ قیشلاقا.

١٣. کاش. آرزو، ایستک معناسی بیلدیرن کاش اداتی تبریز دیالئکتینده ده ایشلنیر. مثلا: کاش بی دانا گتیریدیم اؤزیمنن. کاش اوردا اولئیدین، گؤرییدین نه جور قشه صحبت ائلیردیلر.

١٤. می، مێ، مو،مۆ. بو اداتا تبریز دیالئکتینده سوال مقامیندا تصادف ائدیلیر. مثل: سن اؤزووی اوردا خوشبخ بولوردونمی؟