حیواندارلیق ترمینلری

حیواندارلیق جنوبی آذربایجاندا اقتصادیاتین اساس ساحه لریندن بیریدیر. بونا گؤره ده تبریز دیالکتینین لغت ترکیبینده حیواندارلیق ترمینلری مهم یئر توتور. بورادا رنگینه، جنسینه، یئریشینه، یاشینا گؤره مختلف حیوان آدلاری واردیر.

رنگینه گؤره آت آدلاری: کورخ آت (بدنی آچیق قهویی، آیاقلاری آق رنگده اولور)، کهر آت (آیاقلاری و قویروقو قارا رنگده اولور)، سمند آت، قره آت، بوز آت..

رنگینه گؤره قارامال آدلاری: بوز اینک، قونور اینک، قره اینک، آلا بولا اینک.

یاشینا گؤره قارامال آدلاری: بیزوو، دانا، جؤنگه، دوه (بیر یاشدان یوخاری دیشی)، دامازلیق، بی دوغان (بیر دفعه دوغان اینک)، گج یازدی (گئج دوقان اینک)

یاشینا گؤره قویون آدلاری: داوار سؤزو تبریز دیالئکتینده قویون سؤزونون سینونیمی کیمی ایشلنیر. قوزی(آلتی آیا قدر ائرکک و یا دیشی)، توهلی (آلتی آیلیق ائرکک)، شیشک (بیر ایللیک دیشی)، اؤیج( ایکی ایللیک ائرکک قویون)، بیر قاریشان (بیر دفعه دوقان قویون)، قره دیش (قوجالمیش قویون)، پروری (کؤکلمیش قویون).

یاشینا گؤره کئچی آدلاری: چپیش، اقلامان (بیر بالا دوقموش کئچی)، دوبور (ایکی ایللیک ائرکک کئچی)، سوبور (اوچ یاشلی ائرکک کئچی)، کوور(دوقمامیش کئچی)، تکه (چوخ یاشلی ائرکک کئچی).

تبریز دیالکتینین لکسیکاسیندا کؤچری حیات طرزینی عکس ائتدیرن لئکسیک واحدلره ده راست گلمک مومکندور: تاخداقاپی (کؤچری سؤزونون آنتونیمی)، تام (بالاجا ائو)، یوکلمه (کؤچ زامانی بیر-بیرینه باقلانمیش یورقان دؤشک)، مرتع (اوتلاق)، چاتما (موقتی سیقیناجاق)، چکدیرمه (آلاچیق قورولاندان سونرا وئریلن یئمک)، فارماش ده وه سی (یورقان- دؤشک آپاران ده ده).