آذربایجان دیلینه یئنی داخیل اولان داها ۲ ۶۵۰ سؤز معین ائدیلیب.

بونو ترند-ا ناظیرلر کابینتی یانیندا تئرمینولوگییا کمیسییاسینین صدر معاوینی سایالی صادیقووا دئییب:

"ایکینجی یئنی سؤزلر لوغتی آرتیق حاضردیر، لوغت حاضردا چاپ اولونما مرحله‌سینده‌دیر. اونون سنتیابر-اوکتیابر آیلاریندا ایشیق اوزو گؤرمه‌سی نظرده توتولور".

کمیسییانین صدر معاوینی علاوه ائدیب کی، یئنی سؤزلر لوغته داخیل ائدیلممیشدن اول عالیملر طرفیندن گئنیش موذاکیره ائدیلیب.

او، یئنی سؤزلرین داها سونرا حاضرلانان اورفوگرافییا لوغتینه و آذربایجان دیلینین چوخ جیلدلی ایضاح‌لی لوغتینه داخیل ائدیلجیینی ده سؤیله‌ییب.

اونون سؤزلرینه گؤره، دیلچی عالیملر طرفیندن سون ۳ ایل عرضینده آذربایجان دیلینه ۵ ۱۵۰ یئنی سؤزون داخیل اولدوغو مویینلشدیریلیب.

س. صادیقووا قید ائدیب کی، آذربایجان دیلینین ۲۰۱۵-جی ایلده چاپ اولونان ایلک یئنی سؤزلر لوغتینه ۲ ۵۰۰ سؤز داخیل ائدیلیب.

دیلیمیزه داخیل اولان یئنی سؤزلرین معینلشدیریلمه‌سی ایستیقامتینده ایشلرین حاضردا دا داوام ائتدیینی دئین صادایقووا علاوه ائدیب کی، یئنی سؤزلرین چوخو طب، اینفورماتیکا، ژورنالیستیکا، لوجستیکا، اقتصادیات ساحه‌سی اوزره‌دیر:

"بیز ریاضیات و فیزیکا ساحه‌سینه عایید اولان او قدر یئنی سؤز تاپا بیلمیریک. آنجاق لوجیستیکا، اینفورماتیکا، گؤمروک ساحه‌لرین‌ده یئنی سؤزلر داخیل اولور. اونلارین آراسیندا آلینما سؤزلر، عینی زاماندا آذربایجان دیلینین داخیلی ایمکانلاری حسابینا یارانان سؤزلر ده وار".