۱ آوقوست آذربایجان الیفباسی و آذربایجان دیلی گونودور.

کولت. آذ الشاد یاقوبلونون آذربایجان الیفباسی و آذربایجان دیلی گونونه حصر ائتدیی یازینی تقدیم ائدیر:

دیل هر بیر میللتین مادی و معنوی ارثینی قورویان و اینکیشاف ائتدیره‌ن ان موهوم و ان گوجلو واسطه‌دیر. آنا دیلی اینسانین معنوی عالمینین زنگینلشمه‌سین‌ده، دونیاگؤروشونون گئنیشله‌نمه‌سین‌ده، موکممل تحصیل آلماسین‌دا موهوم رول اویناییر. میللتین دیلینین دؤولت دیلی ایستاتوسونا یوکسلمه‌سی تاریخی حادثه، میللی دؤولتچیلیک تاریخینین قیزیل صحیفه‌سی‌دیر. بو مقام میللتین میللت اولاراق تصدیقی‌دیر.
اوزاق کئچمیشه باخدیقدا گؤرریک کی، جغرافییامیزدا ایسلام دینینین یاییلماسی ایله علاقدار عرب الیفباسین‌دان گئنیش ایستیفاده اولونوب، یوز ایللر بویو عرب دیلی دین، علم و تحصیل دیلی رولونو اویناییب. لاکین عصرلرله موختلیف خالقلارین مده‌نی علاقه‌لرینه خیدمت ائتمیش عرب گرافیکاسی دیلیمیزین سس سیستمینین بوتون اؤز‌لیکلری ایله عکس ائتدیره، اونون قورولوشو و کاراکتری حاقیندا تام آیدین تصور یارادا بیلمه‌ییب. سووئت ایشغالیندان سونرا ۱۹۴۰-جی ایل یانوارین ۱-دن کیریل قرافیکالی الیفبایا کئچمک حاقین‌دا قراری دا دیلیمیزه وورولان زربه کیمی حساب ائتمک اولار.
گؤردویوموز کیمی تاریخ بویو دیلیمیز یابانجی دیللرین تأثیرینه معروض قالیب و آرادان گئتمک تهلوکه‌سی ایله اوزلشیب. لاکین موسقتیل اولدوقدان سونرا دوغما آذربایجان دیلیمیزه اولان باسقیلار آرادان قالخدی، دیلیمیزین اینکیشافی و تکمینلشمه‌سی سرعتلندی.
چوخ تأسف کی، بو گون قوزئی آذربایجان حاقین‌دا دئییله‌نلری گونئی آذربایجانا عایید ائتمک اولماز. گونئی‌ده آنا دیلی یالنیز کوچه‌لرده، بازارلاردا و عائله‌لرده ایستیفاده اولونور.
قوزئی مکتبلرین‌ده آذربایجان دیلی تدریس اولوندوغو، دؤولت مو‌سسه‌لرینده یازیشمالار و سندلشمه‌لر اؤز دیلیمیزده آپاریلدیغی حال‌دا، گونئی‌ده بونون تام عکسیدیر. یابانجی دیلی خالقیمیزا سیریییریب، بو دیلله اونلاری اؤزگلش‌دیرمک ایستییرلر. بو ایدئیا اونلار اوچون «عقل‌لی ایدئیا» اولا بیلر، بیزیم اوچونسه میللی کیملیین محوی و آخماقلیغین باشلانغیجی ساییلا بیلر. هئچ کیمه سیرر دئییل کی، خالقیمیزین اؤز آنا دیلین‌دن آیری سالماق جهدلرینین اساس مقصدی، میللی کیملیین محوی پلانینین بیر حیسه‌سی‌دیر.
قوزئی و گونئی اولاراق بیز بو مسئله‌ده بیر جبهه‌ده بیرلشمه‌لی گونئی‌لی سویداشلاریمیزین آپاردیغی موباریزه‌ده اونلارین یانیندا اولمالیییق. من اؤز آدیمدان دئیه بیلره‌م کی، اونلار بو موباریزه‌ده یوز فایز تک دئییل.