اؤتن گونلرده دیل مسئله‌لری حاقین‌دا کومیسییادا دیل و اورفوگرافییا قایدالارینی بیر داها موذاکیره ائدیلمیش و بو حاقدا بیر سیرا قرارلار قبول ائدیلمیش‌دیر. بو باره‌ده آذربایجان میللی علملر آکادمیاسینین نسیمی آدینا دیلچیلیک اینسوتیتوتونون دیرکتورو گؤرکملی عالیم، آکادمیک محسن ناغیسویلو بو گون اجتماعی تلویزییانین ائفیرینده یاییملانان "صاباحین خییر آذربایجان" وئریلیشینه مصاحیبه وئریب، بو دییشیکلیکلر و دیلیمیزین اینجه‌لیکلری حاقیندا اطرافلی و دیرلی صحبتلر آپاریب.
جانلی سؤز صنعتی بوتون صنعتلرین ان قدیمیدیر. ناطیقلیک صنعتی ایسه قدیم یونانیستاندا داها گئنیش اینکیشاف ائتمیشدیر. ناطیق‌لیک صنعتینین اساس ماتریالی سؤزدور. اونا گؤره ده بو ماتریالا موکمل ییه‌له‌نمک گرکدیر. هر شئی‌دن اول، اینسان اؤز لکسیکونونو زنگینلشدیرمه‌لیدیر.

هردن اؤزوموزه بو سوالی موطلق وئرملیگیک: بیز نه قدر سؤز بیلیریک؟ بو، اینسانین مدنی اینکیشاف درجه‌سیندن آسیلیدیر. نیطقین بیر موهوم جهتی ده قیسا اولماسیدیر. ناتیق نه قدر اؤز فیکرینی ییغجام ایفاده ائتمیی باجارسا، بیر او قدر یاخشی‌دیر. ساده‌لیک ان بؤیوک مزیتدیر. ساده‌لیک دیلین زنگینلیینی و گؤزللیینی نینکی سادلشدیریر، عکسینه، دیل‌ده ایفاده‌لی واسطه‌لردن داها باریز ایستیفاده ائدیلمه‌سینه شرایط یارادیر. نیطقیمیزین معنالی، زنگین و رنگارنگ اولماسی اوچون نیطق مدنیتینین طلب ائتدیی کیمی، گراماتیک جهت‌دن دوزگون، منتیقلی جهت‌دن سلیس و آنا دیلین‌ده دانیشماغی باجارمالیییق.