(دیلیم اؤلسه، من دَه اؤللم)

هر ایل بۆتۆن اؤلکه لرده، فئورالێن ۲۱ینجی گۆنۆ (آنا دیلی) گۆنۆ اوْلاراق عزیزله نیر.

بو ایش اؤز یئرینده چوْخدا گؤزل و بَگَنیلمیش بیر ایشدیر.

آنجاق گۆنئی آذربایجاندا، آنا دیلیمیزی دیرچلتمک اوغروندا، ایتگیلریمیزه دَریندن باخاندا، منجه بو یوْل سوْن آماجێنێ (مدنی استقلال) الده ائتمه یینجه، گرَک هر گۆن (آنا دیلی) گۆنۆ اوْلاراق آردێجێل داوام توتسون.

تَرسینه «برعکس» اوْلارسا، فارس شئوونیسمی، تۆرکلری آسیمیلاسیون ائتمَکده ایل بوْیو (۳۶۴) گۆن بیزدن آرتێق چالێشماقا نائل اولمالێدێر.

آنا دیلیم، کیملیگیمدی وار اوْلسون
آنا دیلین سئومه یَه نَه، عار اوْلسون
یاکاموز، اۆرک دن سئویر دیلینی
بیزی قێنایانلار، گؤرۆم خار اوْلسون.

آنا دیلی گۆنۆ بۆتۆن آناوطنیمیز آذربایجنلێلارا اوغورلو اوْلسون. ۲۱فئورال (۲ایسفند) ی اونودمایێن.