آذربایجان دیلینین قراماتیکاسی

فعللر شخصه و کمیته گؤره دییشیب، دییشمه‌مه‌سینه گؤره ایکی قروپا بؤلونور: ۱. تصریفلنه‌ن فورمالار ۲. تصریفله‌نمه‌یه‌ن فورمالار
فعلین شخصه و کمیته گؤره دییشه‌ن فورمالارینا فعلین تصریفلنه‌ن فورمالاری دئییلیر. فعلین تصریف‌لنه‌ن فورمالارینا فعلین ساده و مرکب شکیللری داخیل‌دیر.

فعلین ساده شکیللری فعلین شکیللری دانیشان (حاقین‌دا دانیشیلان) شخصین گؤروله‌ن ایشه، حرکته موناسیبتینی بودیریر.

فعلین آلتی ساده شکلی وار: ۱.امر شکلی ۲.خبر شکلی ۳. آرزو سکلی ۴. واجیب شکیی ۵. لازیم شکلی ۶. شرط شکلی
واجیب شکلی

فعلین واجیب شکلی گله‌جک‌ده ایجرا ائدیله‌جک ایشین ضروریلیینی، واجیبلیینی بیلدینر، -مالی۲ شکیل‌چیسی ایله دوزلیر: آل+ مالی+ یام، آل+مالی+سان، آل+ مالی+ ییق، آل+مالی+سینیز، آل+مالی+ دیر+لار؛ گل+ ملی+ یم، گل+ملی+ سن، گل+ ملی+دیر، گل+ملی+ ییک، گل +ملی+ سینیز، گل+ملی+دیرلر و س: اینکاری هم -ما ۲ اینکار شکیل‌چیسی، هم ده دئییل حصه جیی ایله دوزه‌له بیلیر: گئتمه‌لییه‌م-گئتمه‌مه‌لییه‌م-گئتمه‌لی دئییله‌م و س.