یوخاری

آنا دیلین‌ده فعلی باغلاما شکیل‌چیلری-ویدئو

آنا صحیفه آنا دیلی
12 Punto 14 Punto 16 Punto 18 Punto

آرکن ٢/ یارکن ٢/ یرکن٤/ییرکن٤/میشکن٤:

بو اوچ گروه شکیلچیله عینی بیر نوع فعلی باغلاما دوزه لیر. بونلارین هر اوچونون اساس عنصرو "ایکن" کومکچی فعلینین "کن" عنصرودور. بو عنصر:

١- غیر قطعی گلجک زامان شکیلچیلرله بیرلشیب بیرینجی دسته شکیلچیلری "آرکن"

٢- ایندیکی زامان شکیلچیلریله "یر٤" بیرلشیب ایکینجی دسته شکیلچیلری "یرکن".

٣- نقلی کئچمیش زامان شکیلچیسیله "میش" بیرلشیب اوچونجو دسته شکیلچیلری "میشکن" مئیدانا گتیرمیشدیر. بو فعلی باغلامالارین دا هم ایجابی، همده اینکاری ایشلنیر.

بو شکیلچیلرله دوزه لن فعلی باغلامالار زامان و حال- وضعیت مضمونو ایفاده ائدیر.

مثال: گئجه یاتماغا حاضیرلاشارکن گؤی گورولدادی.

بو فعلی باغلامالار ساده جمله ده طرز حرکت ظرفی وظیفه سی داشیییر. مثال: علی ناهار یئیرکن دیشی سیندی...

دیقدا٤

بو شکیلچیلرله دوزه لن فعلی باغلاردا اساس فعل ایله بیر زماندا باش وئرن مضمونلو فعلی باغلاما اولور. بو فعلی باغلامالار ساده جمله لرده زامان ظرفی اولور. مثال: معلمی دینله دیکده ساکت اوتور. رییس ایچری گیردیکده هامی آیاغا قالخدی.

آلی ٢/ یالی٢/

بو شکیلچیلرله ائله فعلی باغلامالار دوزه لیر کی، اونلار باش وئرمیش ایکی ایشین آراسینداکی زامان فاصله سینی بیلدیریر. مثلا "وطنه قاییدالی اوزوم گولمه میشدیر" جمله سینده " قاییدالی" فعلی باغلاما وطنه قاییداندان بو گونه قدر کی فاصله نی بیلدیریر.
بو فعلی باغلامالار بعضا ساده گئنیش جمله ده فعلی باغلاما ترکیبی یارادیر و جمله نین مرکب زامان ظرفی اولور. مثلا " سیزین یئرینیزه قوناق گله لی حالیم دوزلمیشدیر." جمله سینده" سیزین یئرینیزه قوناق گله لی" سؤزلری بیرلیکده جمله نین مرکب زامان ظرفیدیر.

مادان٢

بو شکیلچیلر فعلین اینکار علامتی "ما- مه" ایله زامان بیلدیرن "دان- ده ن" شکیلچیلریندن دوزه لمیش و اساسا زامان و قسما حال- وضعیت بیلدیریر. بو فعلی باغلامالار جمله نین اساس فعلیندن اول بیر ایشین حتما باش وئرمه لی اولدوغونو بیلدیریر. مثاللار:
گلمه دن اول تلفن ائت. یاغمادان گورولداما. اوشاق یاغیش یاغماسینا اهمیت وئرمه دن مکتبه گئتدی.

دئمک بونلارین تصدیقی اولماز. بو فعلی باغلامالاردا جمله داخیلینده ظرف رولو اوینویور. مثلا: گؤزله نیلمه دن هاوا برک توتولدو و یاغیش یاغدی. بو فعلی باغلامالار ساده جمله ده فعلی باغلاما ترکیبی یارادیر و جمله نین مرکب زامان ظرفی اولور. مثلا: "هاوا آچیلمادان اول یولا حاضیرلاشدیم" جمله سینده "هاوا آچیلمادان اول" سؤزلری فعلی باغلاما ترکیبی و جمله نین مرکب زامان ظرفیدیر.

تاریخ
2020.07.03 / 17:34
مولف
آینوره مممدووا
شرح لر
دیگر خبرلر

خاریج‌ده یاشایان آذربایجان‌لیلار اوچون آنا دیلی لاییحه‌سی

آنا دیلین‌ده فعللرین شکیللری - ویدئو

دیل و آنا دیلی

یازی ـ پوزو یانلیش‌لاری

عرب الیفباسیندا دیلیمیزدکی یازی گرافیکاسیندان!

سویداشلاریمیزین دیل گلنیی- ماراغا لهجه‌سی

بو گون آذربایجان تورکجه‌سینین رسمی دیل اعلان ائدیلدیی گوندور

آذربایجان دیلینین یازی قایدالاری

آنا دییلی - اسملرین قورولوشجا نوعلری/ ویدئو

بعضی سؤزلرین دوزگون تلفظ قایداسی معینلشدی

خبر خطّی
Axar.az'da reklam Bağla
Reklam
Bize yazin Bağla