خبر وئردییمیز کیمی، سنتیابرین ۲۳-ده (مهرین ۱-ده) ایران و گونئی آذربایجان‌دا یئنی درس ایلینه باشلانیلیب.

آخار. آذ خبر وئریر کی، تحصیل موسسه‌لرینین آچیلیشی گونو مناسیبتی ایله گونئی آذربایجان‌لی میللی فعال یاشار اسدی تورک دیلین‌ده سندلی فیلم حاضرلاییب.

اوشاقلارین بیرینجی صینیف‌ده بیلمدیی بیر دیل‌ده تحصیله باشلاماسی شوبهه‌سیز کی، بیر چوخ پروبلملره یول آچیر. مکتب‌لیلرین اؤزگووه‌نین آزالماسی، درسی درک ائتمک اوچون داها چوخ زامان و ائنئرژی صرف ائتمه‌سی،مکتب و تحصیله منفی باخیش یارانماسی، بعضی حاللاردا تحصیلی ترک ائتمه‌لر و س. کیمی پروبلئملر تکدیللی تحصیل سیستمینین منطیقی نتیجه‌سی‌دیر.

آشاغی‌داکی ویدئودا آنا دیلین‌ده تحصیل حقوقو ایله باغلی گئنیش معلومات وئریلیب: