یوخاری

تورک دیلیمیز

آنا صحیفه آنا دیلی
12 Punto 14 Punto 16 Punto 18 Punto

نه قدر کی بایراق بیر میللَتین بیر وطنین بیر وارلیغین گؤزه گؤرونن و ملموس سیمگه سیدیر سه، آنا دیلی ده بیر میللَتین و اونون میللی وارلیغینین معنوی سیمگه سی دیر. بیزیم تورک میللَتیمیز کیمی آنا دیلی یاساقلانمیش بیر توپلومون دئمک اولار کی میللی معنوی یاشامی یاساقلانمیش دیر. معنوی باخیمدان قویولان یاساقلارین آماجی ایسه او میللتین میللت اولدوغونو هدف آلاراق محو ائتمک دیر. بو ایسه مودئرن دونیادا معنوی سوی قیریمدان باشقا بیر شئی آدلاندیریلانماز. بیر میللتین دیلینه قارشی گلمک او میللتین وار اولوش تملینه قارشی گلمک دئمک دیر. باشقا سؤزله دیله قارشی اولماق، میللته قارشی اولماق دئمک دیر.

کئچن یوزایلین ایچینده آزربایجان داکی تورک میللتینین آنا دیلینی یاساقلایانلارین آماجی بو آنا دیلینین میللی_رسمی دیل سَویه سینه یوکسلمه سینه انگل یاراداراق بو دیلین یاشام ساحه سینی دارالتماق سونرا ایسه بو دیلی محو ائتمک دیر. تورک دیلی محو اولورسا دئمک تورک میللتی نین وار اولماق گرچه گی مَحْو اولموش اولور. بو ایسه بیزیم، سؤزده (ایران) آدلانان اؤلکه نین و فارس توپلومونون بیر پارچاسی اولماغیمیز دئمک دیر.

بو شووونیزم نییت و سیستئمه قارشی یارانان آزربایجان میللی حرکتی آنا دیلیمیزی میللی وارلیق و کولتوروموزون تملی قبول ائدیب تورک دیلینین میللی دیل اولاراق یوکسلمه سی آماجینی اورتایا قویاراق شووونیزمین بو تهلوکه لی اویونونو پوزموشدور. میللی حرکتیمیز جه ، بیر دیل میللی دیل اولاراق قبول اولونمازسا و اونون آرخاسیندا میللی بیر دؤولت دورمازسا سونوجدا او دیل و او دیلین تمثیل ائتدیگی وارلیق، کیملیک و میللت زامان آشاماسیندان و دوشمنلرین تهلوکه لی اویونلاریندان دولایی محو اولماق آشاماسینا تئز و یا گئج چاتاجاق دیر.

میللی فعاللاریمیز و آیدین، یازار، ادیب، بیلگینلریمیزین زحمت، چالیشیق و فداکارلیقلاری سونوجو آرتیق تورک دیلیمیز صیرف فولکولور دیلی اولماق تهلوکه سیندن قورتولوب، یاواش-یاواش هر ساحه ده قوللانیم قابیلییتی قازانان بیر دیله چئوریلمک ده دیر. بو ایسه شووونیزمین کابوسو اولماق دئمک دیر.

آرتیق میللتیمیزین ایلگی و تَوججوه و، و میللییتچی میزین چالیشماسی نتیجه سینده بو ایللرده آنا دیلی گونو بیزیم اوچون بیر اؤلویه یاس تؤره نی کیمی یوخ، دوغولماقدا اولان بیر گونشه شنلیک شؤله نی کیمی کئچیریلمک ده دیر. بو ایسه بیزیم جهتیمیزی زاوالا ساری یوخ یوکسه لیشه و قورتولوشا ساری اولدوغونو گؤسترمک ده دیر.

بیز واریق وارسا وطن وارایسه دوغما دیلیمیز

اؤیره نیب بیلمه لیدیر اؤز #دیلینی تورک ائلیمیز

آنا تک جاندان عزیزدیر آنا تورپاق آنا دیل

حورمتین ساخلا یاشارکن #آنالار قدرینی بیل

وطنین کیملیییدیر وارلیغینین داش تملی

کیملییین بایراغیدیر هر بالانین دوغما دیلی

آنادیلدیر بزه ین دویغولارین اویلاغینی

سوسله ین آرزیلاری سئوگی سئوینجین باغینی

بولبول اؤز دوغما دیلیله گوله سویلر سؤزونو

هر گول اؤز رایحه سیله تانیدار اؤز اؤزونو

آنادیلدیر داشییان لایلالارین جان دادینی

آنادیلدیر یاشادان ائولادینین اؤز آدینی

آنادیلدیر ائلینین تاریخی آیدین تانیغی

یوردونون اؤلکه سینین آیناسی سؤنمز چراغی

آنادیلده آنانین سئوگیسی عطری دادی وار

آنادیلده وطنین شانلی شرفلی آدی وار

یاشاسین آنادیلیم اونجه اوز تورک دیلیم

تاریخ
2019.10.19 / 13:50
مولف
Axar.az
شرح لر
دیگر خبرلر

خاریج‌ده یاشایان آذربایجان‌لیلار اوچون آنا دیلی لاییحه‌سی

آنا دیلین‌ده فعللرین شکیللری - ویدئو

دیل و آنا دیلی

یازی ـ پوزو یانلیش‌لاری

عرب الیفباسیندا دیلیمیزدکی یازی گرافیکاسیندان!

سویداشلاریمیزین دیل گلنیی- ماراغا لهجه‌سی

بو گون آذربایجان تورکجه‌سینین رسمی دیل اعلان ائدیلدیی گوندور

آذربایجان دیلینین یازی قایدالاری

آنا دییلی - اسملرین قورولوشجا نوعلری/ ویدئو

بعضی سؤزلرین دوزگون تلفظ قایداسی معینلشدی

خبر خطّی
Axar.az'da reklam Bağla
Reklam
Bize yazin Bağla