۱. ‏یانلیش دیلده بیر متن:

«منجه قدیمی تورکی مثل لر کی کمردن آشاغیا مربوط اولور شبکه لرده طرح اولماسا یاخجیدی. هر سوزون بیر یئری وار.»

متنه بئله‌جه دوزه‌لیش وئرمک اولار:

منجه قورشاقدان آشاغی قدیم تورکجه مثل‌لر طرح اولونماسا یاخشی‌دیر. هر سؤزون بیر یئری وار.

۲. ‏سئویملی دوست‌لارین بیری یازیب:

«گلین اوینیَمَز دیَر اوتاق اَیری دی.»

معیار دیل گؤز اؤنونه آلیندیقدا جومله بئله‌ یازیلمالی‌دیر:

گلین اوینایا بیلمز دئیر اوتاق أیری‌دیر.

۳. ‏توییتئرده مثل‌لر باره‌ده بیر فعالیت باشلانیب. مثل‌لر تورکجه‌دیرسه بو چالش ترکی مثل هشتگی‌ ده تورکجه یازیلمالی ایدی. ساده‌جه تورکجه مثل یئتر. آنجاق "مثل" سؤزو بیزده بیر آز دییشیک ایشلندییینه گؤره داها دقیق هشتگ بودور: ائل سؤزو.

‌‎أصلینده بیزده "آتالار سؤزو" گئدیر. معین دئییم‌لری رحمتلیک فرزانه ده بئله‌جه آدلاندیرمیشدیر. لاکین بو ایصطیلاح جینسییت یوکونو داشییاراق آنالاری قیراغا قویدوغو اوچون یئنی بیر قارشیلیق اؤنردیم.