یمن تورکوسونو چوخلاریمیز دینلمیشیک. اؤلمز صنتکار باریش مانچونون ایفاسیندا بو تورکو ایله ایلک دفعه تانیش اولوب چوخلاریمیز. سون درجه هزین و کدرلی بیر تورکودور. خیانتله باغلی‌دیر. تورکون اؤزونه دوست ساندیغیندان، "عینی امت"،- دئییب قوجاق آچدیغیندان گؤردویو خیانتی روحونا حک ائتدیردیی بیر یادداشتدیر! بو تورکو آتاتورکو آغلادان تورکودور!

عثمانلی یمن تورپاقلارینی اؤلکه‌سینه قاتدیقدان سونرا بو تورپاقلاردا چوخ شهید وئریب.

موسلمان اولمالارینا رغما عربلر، ۱-جی دونیا محاربه‌سینده بوتون یاخین شرق بویو اینگیلیس و فرانسیزلارلا ایشبیرلیینه گئده‌رک تورکلره قارشی ساواش آچیبلار. او جمله‌دن، یمنده بیری-بیرینین آردینجا اینگیلیسلرین تحریکی و دستیی ایله عرب عصیانلاری باش قالدیریردی. بئش جبهه‌ده ساواشان تورکلر آنادولودان یئنی، گنج قوه‌لری یمنه بو قانلی عصیانلاری باسدیرماق اوچون گؤندریردیلر. اینگیلیسلرین سلاحی و پولو ایله تجهیز اولونان عربلر یئمنده تورکلره بؤیوک ایتکیلر یاشادیردیلار. دؤیوشلر او قدر شدت‌لی گئدیردی کی، اؤولادلارینی یئمن جبهه‌سینه گؤندره‌نلر آرتیق اونلارین بیر داها گئری قاییتمایاجاقلارینی بیلیردیلر. ۱-جی دونیا محاربه‌سینده بوتون جبهه بویو اولدوغو کیمی، یمن دؤیوشلرینده ده آذربایجاندان چوخلو سایدا کؤنوللو عثمانلی اوردولاری سیراسیندا آنادولودان اولان قانداشلاری ایله چیین-چیینه اؤلوم-قالیم موجادیله‌سی وئرمکدیدیلر. بو سببدن‌دیر کی، یمن تورکوسو بیزده ده سئویلرک اوخونور و خاتیرلانیر.

یمن تورکوسو همین دهشتلی گونلرین قان یادداشیندان قوپان اونودولماز و آجی خاطره‌دیر. خیانتین فریادی، هم ده تورکون بیرلیینین و بوکولمزلیینین رمزیدیر! محض عربلرین تورک اوردوسونو آرخادان وورمالاری نتیجه‌سینده اینگیلیس اوردولاری مکه و مدینه‌نی ایشغال ائدیرلر! بو گون یمن تورپاقلاریندا ۱۳۰.۰۰۰-دن آرتیق شهیدیمیز تورپاغین آلتیندا یاتماقدادیر!

هاوادا بولود یوخ، بو نه دوماندیر،
محله‌ده اؤلو یوخ، بو نه فقاندیر،
بو یمن ائللری نه ده یاماندیر،
آه او یمن‌دیر، گولو چمن‌دیر،
گئدن گلمییر، عجب ندندیر.
بوراسی هوشتور، یولو یوخوشدور،
گئدن گلمییر، عجب نه ایشدیر.
قیشلانین آردیندا سیرا سؤیودلر،
ظابطلر اوتورموش، عسگر اؤیوتلر،
یمنه گئده‌جک بو قوچ ایگیدلر،
آه او یمن‌دیر، گولو چمن‌دیر،
گئدن گلمییر، عجب ندن‌دیر.
قیشلانین آردیندا ردیف سسی وار،
باخین چانتاسینا، عجب نیی وار؟
بیر چیفت قوندورایلا، بیر ده فسی وار،
آه او یمن‌دیر، گولو چمن‌دیر،
گئدن گلمییر، عجب ندندیر.
قیشلانین آردینی دومان باغلادی،
آنالار، بابالار قارا باغلادی،
یمنه گئدنی هرکس آغلادی،
آه او یئمن‌دیر، گولو چمن‌دیر،
گئدن گلمییر، عجب ندن‌دیر.
قیشلانین آردیندا بیر قیریق تستی،
عسگرین اوستونه سام یئلی اسدی،
گلینلیک تازه‌لر اومیدی کسدی،
آه او یمن‌دیر، گولو چمن‌دیر،
گئدن گلمییر، جب ندن‌دیر.

وقار زیفروغلو