یوخاری

Axar.Az Logo

اورمو گؤلوم قانا دؤنوب،..-گونئیلی شاعر

آنا صحیفه ادبیات
12 Punto 14 Punto 16 Punto 18 Punto

کولت. آذ ناصر شاهبازینین "اورمو گؤلو" و "وطن" شعرینی تقدیم ائدیر.

اورمو گؤلوم قانا دؤنوب،
قان آغلاییر ائلیم منیم!
دونیا هله یوخودادیر
باغلانیبدیر اَلیم منیم!

رنگی دؤندو بنزیر قانا
باعث‌لر گؤروب اوتانا؛
ائل‌لر داها گلیب جانا،
سوسوز قالیب گؤلوم منیم!

حاقی دئینلر اوغولور،
هارای سالانلار بوغولور،
ائلیم ائل‌لیکدن داغیلیر،
داها یوخدو یولوم منیم!

«عاشیق اوغلو» اوزوم قارا،
بیر گول‌ ایدیم دؤندوم خارا،
اومود قالیب بیر ایلقارا
یامان اولوب حالیم منیم!

۲) وطن

ایگیدلر مکانی، غیرت یوردوسان
ائلیمین وارلیغی، جانی‌سان وطن!
دونیا جنت اولسا سنه تای اولماز
سن اؤزون جنتین شانیسان وطن!

سنین ساغلیغینا دوغرانارام من،
آزاد اولماغینا هئی یانارام من،
ائل‌لریم گولمه‌سه اوتانارام من
کور اولوم گؤرمه‌ییم یانیسان وطن!

وطن خایینینی یولداش بیلمه‌رم،
اؤزون ساتانلاری دیلداش بیلمه‌رم،
اؤز کؤکون آتانی قارداش بیلمه‌رم،
منیم وارلیغیمین جانی‌سان وطن!

غفلت یوخوسوندا یاتمامیشام من،
حاقی باطیل‌لره ساتمامیشام من،
تورکم اؤز کؤکومو آتمامیشام من،
غیرتین داماری، قانی‌سان وطن!

سنسیز قالمایاجاق بدنده جانیم،
گووننم یولوندا تؤکولسه قانیم،
مقدس توپراغسان، شهرتیم، شانیم
سن منه شرافت کانیسان وطن!

تاریخ
2017.12.19 / 22:00
مولف
آیتاج آراز
شرح لر
دیگر خبرلر

اوشاق ادبیاتی: الیفبا کیتابینی آچدی بالاجا اسد - شعر

آمریکا-دا حسین جاویدین آنیم گونو اعلان اولوندو

چیخیم یوللارینا سنه توش کیمی- شعیر

آنامین بوُینوندان آخان قانلا منیم گؤز یاشلاریم ...

گول آخشام دیر بولود آغلیر گوی اوستونده - شعیر

حیاتینین قان یارالی اؤلکه سینده - شعیر

تورپاغینا وطن دئدیم- شعیر

ژول ورنین «سرلی آدا»سی

ساچیما دن دوشدو، خبر توتمادین- شعیر

سازیم دیلیم کیمی چوخ پیس ایتیب ناغیللار آرا... - شعر

خبر خطّی
Axar.az'da reklam Bağla
Reklam
Bize yazin Bağla