یوخاری

بئله دوشونمک اولار کی، ایواز نیگارلا…- کوروغلو داستانی

آنا صحیفه ادبیات
12 Punto 14 Punto 16 Punto 18 Punto

بوتون فیکری-ذکری آنجاق پلووون یانیندا اولوب، اینان! بونون عیاش‌لیق‌دان نه واخت باشی آچیلیب کی، نیگارا (خانیم دئمه‌یه دیلیم گلمیر) دقت یئتیرسین؟ بئله دوشونمک اولار کی، ایواز نیگارلا… گل تصور ائدک کی، آنام منه دئییر کی، آی بالا، اورییم دیلیجانداکی شیر بولاغیندان سو ایستییر، نه دئیره‌م؟ آی آنا، منی هارا گؤندریرسن، دوشمن الینه؟ اما ایواز - اوغوللوغو، گئتدی دورنا تئلی دالینجا. نه ایدی اونون ماراغی؟ دئملی، اونا گؤره ده گئدیرمیش. آشیق جنون – چوغوللوغون، ساتقینلیغین باریز نمونه‌سی‌دیر.

الین‌ده ساز گزیرمیش، هاردان کاروان گلیر، چاتدیریرمیش کوروغلویا… بیر اوچ -دؤرد ایل اول، آرادا بئله بیر صحبت اولدو کی، آشیقلارین فورماسی (تولستووکا، قالیفی شالوار، پورتوپئیا) هاراداندیر؟ آراشدیرمالار آپاردی ۳۰-جو ایللره چیخاردی. سووئت‌دن قاچاق دوشنلری نئجه تاپماق اولارمیش ؟ یایلاقلاردان، یاتاقلاردان، داغلاردان کیم شوبهه دوغورمادان نکود - یه خبر گتیره بیلرمیش؟ آنجاق آشیقلار! بونون اوچون آشیغا دا محکم ، داواملی پالتار لازیم ایمیش ، او دا روسدا. دئمه‌لی نکود ده آشیق جنون واریانتیندان بهرلنیبمیش. بونو آشیق عدالته دئینده بیر قدر فیکره گئدیب دئدی کی، حقیقت وار.

پ .س. هله چوخ فیکریمی یازا بیلمدیم.
ویدادی ت.

کور اوغلو- نان کور اوغول

دوزگون کودلاشدیریلمامیش قهرمان‌لیق.

ایندی منه قولاق آس…

کور اوغلونون علامتلرینی (بیر اینسان کیمی) هله‌لیک سنه یازیم.

آناسی حاقیندا هئچ بیر معلومات یوخدو.

اگر دده‌سی آتی گؤیدن، قیلینجی گؤیدن آلیبسا، کیم تأمینات وئره بیلمز کی، هانسیسا بیر اجینه‌نی ده گؤیدن توتماییب…
گؤزللیک.

کوروغلو نیگاری ساده‌جه اولاراق آتاسینین ائویندن اوغورلاییب، باسیب آتین ترکینه، آپاریب چنلیبئله. داغین باشیندا ، وحشیلرین احاطه‌سینده داها هئچ بیر واریانت اولمادیغیندان نیگار تحقیر اولونموش ، زورلانمیش ( یقین کی ) و بی آبیر اولموش وضعیتینی نظره آلیب، ائل دیلینده دئسک عاییبینا کور اولوب، مجبورا کوروغلو ایله یاشاییب. عمومیتله، کوروغلو ایله نیگارین موناسیبتلری، هئچ بیر وجهله عائله موناسیبتلرینه عایید ائدیله بیلمز. کبین یوخ، آتا-آنانین خئییر-دوعاسی یوخ، اوشاق یوخ (ایواز ساییلمیر). نیگارین سؤزونو یادینا سال... سن چوخ پلپوسورسن ، چوخ قاراسان، سنده گؤزللیک آدینا بیر شئی یوخدو.

اینسان اولان کس‌ده نه قدر ده اولماسا بیر خوشاگه‌له‌ن جهت اولمالیدی، کوروغلودا یوخدو. نیگار اونا اؤز خوشونا گئتمه‌ییب . گؤرمک-سئومک، قوشولوب -قاچماق صحبتی دئییل. کوروغلونون ایدبار صیفتینی گؤروب یقین کی، هئچ کیم اونا یاخین گئتمزمیش.

اوغوللوق.

اگر آذربایجان‌دا آتا اینستیتوتو، یعنی پاتریارخات مؤوجود ایدیسه ، کوروغلو، هئچ واخت آتاسینین سؤزوندن چیخیب آتلارا باخمازدی. باخدیغینی دا آتاسیندان گیزلتمزدی. یالان دئمک، هئچ ده اونو سؤزه چئویرمک دئییل. اگر سن ائلدیین حاقدا سوسورسانسا، بونون اؤزو ده، دولاییسییلا دا اولسا یالاندی. اگر دئسن کی، اوشاق ایمیش، بیلمه‌ییب، کیم اوشاق‌لیقدا بئله حرکت ائل‌مه‌ییب کی، من سنینله راضیلاشارام. هامیمیز اوشاق اولموشوق، هامیمیز هانسیسا بیر پیس حرکت ائدیب بؤیوکلردن گیزلتمیشیک، اما بیز قهرمان دئییلیک. بیزدن سورغو-سوال دا یوخدو، بیزیم حاقیمیزدا داستان دا یازیلمایاجاق. بیر شئیی ده یادینا سال کی، آتلارا باخاندان، آتاسینین گؤزو چیخاریلاندان، بولاق باشینا گئدیب قایی‌داندان سونرا ، چوخ کئچمه‌دن الین‌ده میصری قیلینج آتاسینین «قیصاصینی» آلیب و داغلارا، دلی حسنی آختارماغا گئدیب. اوشاق اولان کس، چوخ قیسا مدت‌دن سونرا کونکرئت هارا گئتمیی، کیمله ساواشماغی چوخ دقیق‌لیکله حسابلاییبسا، آرتیق اوشاق دئییل. خصوصی اولاراق دلی حسنی آختارماق ایسه اصل دوستاقخانا پسیخولوگییاسیدی، گرک باشچینی (پاخانی) اؤلدوره‌سن و اونون یئرینه اؤزون باشچی اولاسان.

آتایا قارشی حؤرمتسیزلیک بیر ، حوصله‌سیزلیک ایکی، یالان اوچ...

و نیه گؤره‌سه آتاسی اونو جزالاندیرمیر، گولدن آغیر بیر سؤز دئمیر، عوضینده بولاغین یئرینی نیشان وئریر، ان اساسی اؤز گؤزلرینه گؤره کی، کور قالماسین، او سودان گؤزونه چکسین و ساغالسین. هله اونو دا فیکیرلشمک لازیمدیر کی، عادی بیر مهترین باشینا گؤی جیسملری و جانلیلاری ایله باغلی بو قدر حادثه هاردان گلیر؟ نیه محض اونون؟ بئله بیر بولاغین مؤوجودلوغونو هارادان بیلیر؟ باشقالارینین بوندان نیه خبری اولماییب؟ نئجه بیلیرسن، عادی بیر مهتر بو قدر غیری-عادی ایشلرله نیه مشغول اولورموش و یا بوتون بونلاری هارادان بیلیرمیش؟ قاییداق مطلبه... بو نانکور اؤولاد نئیلییر؟ بولاقدان قاینایان سودان بیرینجی اؤز باشینا تؤکور، ایکینجی ایچیر، یالنیز و یالنیز بوندان سونرا آتاسی یادینا دوشور.

سونرا بوتون داستان بویو بیر دفعه ده آتاسی یادینا دوشمور.

بئله اوغوللوق اولار؟

داها دوغروسو ائله، بئله ده «اوغوللوق« اولار، آتا دوغما اولمایاندا، ائله بئله ده اولور.

تپه گؤز.

یقین آتاسی اونو آتلارین یانین‌دان تاپیبمیش، کیمین‌سه بیجی ایمیش، توللاییبمیشلار یقین کی، قورد-قوش یئسین. ولدوزینا ایمیش، هانسی میللتدن اولدوغو نامعلوم. بلکه ائله اونا گؤره، بؤیویوب تورکلردن اینتیقام آلیرمیش. آتالار مثالینی یادینا سال. آی یئتیم، کیمی سؤیرسن، منه چؤرک وئرنی. یئییب تورکلرین چؤریینی، قودوروب، باشلاییب اونا چؤرک وئره‌ن الی کسمه‌یه. دده قورقود داستانین‌داکی تپه گؤزو یادینا سال. آنالیغی ایله ایلک تماسی قادینین اؤلومو ایله نتیجه‌لنیر. بیر سوردو سودونو آلدی، ایکی سوردو قانینی آلدی، اوچ سوردو جانینی. تپگؤز بدهئیبت‌لیگی ایله کوروغ‌لو پلپوسورلویو آراسین‌دا بیر گؤز قدر فرق وار. اونو دا یادین‌دان چیخارتما کی، تورکلرین تاریخین‌ده مملوکلر دئییله‌ن بؤیوک بیر یئتیملر و کؤکو-سویو معلوم اولمایان دؤیوش‌چولر زومره‌سی اولوب. یعنی، یئتیم بؤیودوب، اوندان دؤیوش‌چو دوزلدیب ایستیفاده ائل‌مک تورکلرین تاریخین‌ده مشهور فاکتدیر. سونرادان سووئت حکومتی ده بو اصولدان ایستیفاده ائدیردی، یئتیمخانالاردا اولان خصوصی ایستعدادلی اوشاقلاردان سووئت حکومتینه حدسیز درجه‌ده صداقت و سئوگی آشیلانمیش، بو حکومت یولوندا هر شئیه حاضر اولان شخصلر یئتیشدیریلیردی.

موختلیف تورک خالقلاریندا کوروغلونون واریانتلاری مؤوجوددور. قوروغلو - اوددان تؤره‌نه‌ن، گوروغلو - قبیردن خورتلایان و س. بیزده ایسه نیه گؤره‌سه کوروغلو – کور کیشینین اوغلو اولان بیر اوبراز سئچیلیب.

شوو-بیزنئس.

بیر ماراق‌لی جهتی ده دقتینه چات‌دیریم. یاریم میفیک ، یاریم حقیقی قهرمانلار دئمک اولار کی، بوتون خالقلارین شیفاهی ادبیاتین‌دا وار. هر بئله بیر قهرمانین گوجونون بیر حیصه‌سی، هانسیسا سیررلی - سئهرلی منبع‌یه باغلی‌دیر. حتی بئله بیر قابیلیت واجیب جهتلردن بیری اولمالیدیر. چونکی فؤوقل اینسان اولماسان ، عادی ظالملارا غالیب گله بیلمزسن. ایلاهی بیر قوه‌یه احتیاج وار. اما چوخ آز راست گلدییم بیر جهتی دئمه‌یه بیلمیرم، او دا کوروغلونون مشهور تغییری - لیباس صحنه‌لری‌دی. بو قدر کؤنتؤی، کوبود، تصویره گؤره جثه‌لی، ایری بدن‌لی بیر آدامین یاریم آج-یالاواج، سرگردان ، دونیادان، عالم‌دن خبری بو ائلده‌ن او ائله گزمکله آپاریب گتیره‌ن بیر آرتیسته - ائل آشیغینا اوخشاماسی آغلاباتان دئییل. قیلینج اوینادان، عمود ائندیره‌ن بارماقلار نئجه سازین تئللرینی تیتردیب، اونلاردان خوشا گلن سسلر چیخاریرمیش بیلینمیر. نظره ده آلساق کی، آشیق‌لیق صنعتینی ایللرله اؤیرنیرمیشلر، کوروغلونون هاردا و کیم‌دن تحصیل آلدیغی بؤیوک بیر سوال دوغورور. سسی بیلدیک – بولاغین سویون‌دان‌دی، بس ایفاچی‌لیق صنعتی؟ یوخ‌سا پاشالار ، بیلر، خانلارین هئچ موسیقی‌دن، صنعتدن باشلاری چیخماییب ایندیکیلر کیمی، یا دا آشیق صنعتی او قدر آشاغی سوییه‌ده اولوب کی، هر یولدان کئچن الینه ایری توت آغاجی آلیب، اوستونه ده بیر-ایکی یوغون باغیرساق چکیب، «دینقیر-سازیم ، دینقیر –سازیم»لا دؤولتلیلری یولا وئریرمیش؟ بیر صنعت کیمی آشیقلیغین هاردان قایناقلاندیغینی ائله داستانلاردان بیلمک اولار. اساس عامل جاوان اوغلانین بیر قیزا وورولماسیدی. بوتون سئوگی داستانلارینین ، آشیق یارادیجیلیغینین داخیلی حرکت وئریجی قوه‌سی، مدنی دئسک - سئوگی، کوبود دئسک دویرولمامیش سئکسوال حسلردیر. منیم یاخین بیر دوستوم، بو جور یارادیجیلیغی «اوغراش ادبیاتی» آدلاندیریردی. ایندی، معاصر دؤورده گویا کی، منتالیتتیمیزه اویغون اولمایان آچیق-ساچیق یازیلاری تنقید ائد‌نلره، اوزاغا گئتمه‌ییب، موللا پناه واقیفین سئکسوال شعرلرینی اوخوماغی مصلحت گؤرردیم. دوزدو، رئداکتورلار طرفیندن چیخاریلمیش، بایاغی سؤزلرین عوضینه قویولموش نقطه‌لرده‌کی ایفاده‌لری اؤزلری تاپمالی اولاجاقلار...

آردی وار...

منبع بورادا

تاریخ
2020.07.26 / 20:38
مولف
آیتاج آراز
شرح لر
دیگر خبرلر

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

آمریکا-دا حسین جاویدین آنیم گونو اعلان اولوندو

چیخیم یوللارینا سنه توش کیمی- شعیر

آنامین بوُینوندان آخان قانلا منیم گؤز یاشلاریم ...

گول آخشام دیر بولود آغلیر گوی اوستونده - شعیر

خبر خطّی
Axar.az'da reklam Bağla
Reklam
Bize yazin Bağla