نجیب فاضیل قیساکورک ۲۰-جی عصر تورک پویزییاسینین اؤنملی سیمالارینداندیر. او، ۱۹۰۴-جو ایل مایین ۲۶-دا ایستانبول‌دا آنادان اولوب.

کولت. آذ خبر وئریر کی، نجیب فاضیلین شاعر اولماسینین ماراقلی بیر تاریخچه‌سی وار. او، شعیر یازماسینا آناسینین سبب اولدوغونو بیلدیریب:

«شاعرلییه باشلایارکن ۱۲ یاشیم وار ایدی. آنام خسته خانادا ایدی، زیارته گئتمیشدیم. آغ یاتاق اؤرتویونون اوزرینده قارا اوزلو، کیچیک و کؤهنه بیر دفتر واردی. دفترده ورم خسته‌سی اولان گنج بیر قیزین شعیرلری وار ایدی. آنام گؤزلریمین ایچینه باخیب، «سنین شاعر اولماغینی چوخ ایستردیم» دئدی. آنامین آرزوسو منه ایچیم‌ده بسله‌ییب، ۱۲ یاشیما کیمی فرقینه وارمادیغیم بیر شئی کیمی گؤروندو: وارلیق حیکمتیمین اؤزو...

گؤزلریم خسته خانا اوتاغینین پنجره‌سینده... سوورولان قار و اولایان کوله‌یه قارشی دایانیب، قرار وئردیم: «شاعر اولاجاغام...» و اولدوم».