آخار. آذ هابیل یاشارین "آجیلار گئجه باشلار..." شئیرینی تقدیم ائدیر:

آجیلار گئجه باشلار،
بیر بیل‌سه‌ن نئجه باشلار.
یانارسان ، قوورولارسان،
توز کیمی سوورولارسان،
آهین چاتار دؤرد یانا،
جواب گل‌سه درد یانا.
بیر کیم‌سه دویماز سنی،
دویوب آنلاماز سنی.
گئجیله باش- باشینا ،
قالارسان تک باشینا.
اولدوزلار باخار گئدر،
آی دا اوزون دؤندرر.
شام دا یانماز حالینا،
اومید قالماز یارینا.
گئجه‌لر هسرتینله،
ناکام محبتینله.
یالقیز، یئتیم قالارسان،
یارپاق تک سارالارسان.
گئجه‌لر گلمز خوشا،
گوجون یئتیرسه یاشا.
آجیلار نئجه باشلار،
اؤزو ده گئجه باشلار.
بیتمز-توکنمز قطعی،
گئجه‌لرین حسرتی.
نه ائتسن بوشونادی،
علاج گؤز یاشینادی.
بو یاشاماق دئییل کی،
یوخلوق ایشاره‌سیدی.
گئجه‌لر اؤزو قارا،
حیاتین اوزو قارا.