کولت. آذ آذربایجانین گنج شاعری واسیف زؤهرابوغلونون "گؤز یاشیمی یاغیش بیلر تورپاقلار..." آدلی یئنی شعرینی تقدیم ائدیر:

ساچلارینی اوووج-اوووج قوخلارام،
دوداقلارین گولوش-گولوش یارپاقلار.
من دورمادان سنین اوچون آغلارام،
گؤز یاشی‌می یاغیش بیلر تورپاقلار...

دوغمالیق‌دی، دوغمالیغی قان چکر،
سن داریخ‌سان روحوم بوردا جان چکر.
تئللرینی گؤز اوستون‌دن یان چکر،
اوزون-اوزون داراقدیش‌لی بارماقلار...

سن‌سیز بو ترس بئی‌رک اولار، بیله‌سه‌ن،
دردیم قان‌لی کؤینک اولار، بیله‌سه‌ن.
بورنوم اوجو گؤینک اولار، بیله‌سه‌ن.
دوداقلاریم اوچوق توتار، قورخاقلار...

یولوم دوشمز نه آغادان، نه قول‌دان،
من کی حیات یاراتمیشام ناغیل‌دان.
سئوه‌نلرین ایشی کئچمز عقل‌دان،
گؤزل‌لیک‌ده دلی اولار، سارساقلار...

ساچلارینی اوووج-اوووج قوخلارام،
دوداقلارین گولوش-گولوش یارپاقلار.
من دورمادان سنین اوچون آغلارام،
گؤز یاشی‌می یاغیش بیلر تورپاقلار...