کولت. آذ هابیل قدیمسویون "سندن دلیجه‌سینه آیریلماق ایستییرم" شعیرینی تقدیم ائدیر:

ایندی نه سئوگیمین آغلیمی گؤرمه‌یه گؤزو،

نه ده کی، آغلیمین سئوگیمه دئمه‌یه سؤزو...

بیتمیش هر شئی!

ایندی فیکیرلریم ده

قالخیب سنینله باغلی

وئرجییم قرارا

اعتراض ائتمک اوچون

پره‌ن-پره‌ن دوشوبلر...

...اصلین‌ده من سنی

دلیجه‌سینه دئییل،

جاهیلجه‌سینه سئودیم؛

بیر یهودی تصارروفو ایله

قورودوم، اؤودوم؛

بوددیستجه‌سینه سیتاییش ائتدیم،

ایناندیم.

سنله یاشاماغین سونون‌دا

هپ چارمیخا چکیلمک واردی؛

نهایت اؤزومو ایسوی ساندیم.

بیزیم دلیجه‌سینه

بیر ایشیمیز اولمادی،

آرتیق هئچ نه قالمادی...

...ایندی

گل ایسلاما بیر "هه" دئ،

وورما داها باش-آیاق.

هئچ اولمازسا سونون‌دا

سنله دلیجه‌سینه بیر آیریلیق یاشایاق!