آخار. آذ شهریار دل گرانینین "سئویرسنسه، گونشی سئو.." شعیرینی تقدیم ائدیر:

سئویرسنسه، گونشی سئو صاباحین خاطرینه،
بو گون گئجدی، اما صاباح هر شئی یاخشی اولاجاق.
گل سنه ناغیل دانیشیم: "اوچ دوست اولور..."
اینانما!
اینسان اولدن آخیرا بو دونیادا تک اولور.
آغلا، سنه کیمسه دئمز گؤزون اوسته یاشین وار
اونودولموش اینسان اوزو سو اوزوننن برک اولور...

یاشا گئتسین بو سو عؤمرو، دؤندر بوخار اوزونه،
سونرا یاغیشلا قاییت، سونرا دا بوزا چئوریل.
اوزولمه، ات یئیه‌نلر قنیمدی اوت یئیه‌نلره،
سن ده جاناوار یئین وحشی قوزویا چئوریل.

بس، او؟
عؤمور آیریجیندا هانسی طرفین ایدی؟
ایشیق گلن طرفیندی، یوخسا کی ایت هوره‌نین؟
داها بوتون ایشیق گلن طرفلرده ایت هورر،
و اولایار گئجه-گوندوز اونو سئوه‌ن طرفین...

گل سنه ناغیل دانیشیم: "اوچ دوست اولور..."
نه ایسه...
اینسان اولدن آخیرا بو دونیادا تک اولور.
آغلا، سنه کیمسه دئمز گؤزون اوسته یاشین وار
اونودولموش اینسان اوزو سو اوزوننه‌ن برک اولور...