کولت. آذ گونل ایوازلینین "من سئوه‌نده" شعیرینی تقدیم ائدیر:

من سئوه‌ن‌ده روح اولورام،

آج اولورام، توخ اولورام.

داش اولورام، داغ اولورام،

گاه دولورام، بوشالیرام.

من سئوه‌نده گؤز اولورام،

سهو اولورام، دوز اولورام.

چوخ اولورام، آز اولورام،

چوخالیرام، آزالیرام.

من سئوه‌ن‌ده بؤلونموره‌م،

کیمینچون‌سه گؤرونوره‌م.

اؤزوم اوچون گؤرونموره‌م.

من سئوه‌نده درد اولورام،

سئوه‌نلرین قارشی‌سیندا پرت اولورام.

بعضا جوشقون دنیز کیمی

قایالارا چیرپیلیرام،

داملالارا بؤلونوره‌م،

حیسه‌لره بؤلونوره‌م.

من سئوه‌ن‌ده تک اولورام،

یوخ اولورام، پوچ اولورام،

هئچ اولورام، هئچ اولورام.

من سئوه‌ن‌ده تاپیلمیرام،

یئر ، گؤی اوزونده.

هئچ نه وئرمیر منه سئوگی

اوزینده.

من سئوه‌نده منی ترک ائت،

یعنی درک ائت.

اونوت، درد وئر، اینتیظار وئر،

محبتی یوماق ائله

توخوماقچون اللره وئر.

من سئوه‌ن‌ده دیمه منه

قوی آغلاییم، قوی سیزلاییم.

وارلیغین‌دا یوخلوغونو،

یوخلوغوندا وارلیغینی

تارازلاییم.