بو گون مرهوم شاعر ایلیاس تاپدیغین دوغوم گونودور.

Kult.az خاتیرلادیر کی، ایلیاس تاپدیق ۱۹۳۴-جو ایل نویابرین ۳۰-دا گدبی رایونونون علی ایسماییل‌لی کندین‌ده آنادان اولوب. گدبیین کیچیک قاراموراد کندینده اورتا مکتبی بیتیردیکدن سونرا آپی-نین دیل و ادبیات فاکولته‌سینده تحصیل آلیب.

ادبی یارادیجیلیغا طلبه‌لیک دؤورونده "آذربایجان" ژورنالیندا درج اولونان "باکینین گئجه‌سی" شعیری ایله باشلاییب. او، "گنجلیک" نشریاتیندا بؤیوک رداکتور، رئداکسییا مودیری، باش رداکتور (۱۹۶۸-۱۹۷۶)، آذربایجان باش مطبوعات موکیللیینده قروپ رهبری (۱۹۷۶-۱۹۷۸)، آذربایجان تلویزییا و رادیو وئریلیشلری کمیته‌سینده گنجلر باش رئداکسییاسینین باش رداکتورو (۱۹۷۸-۱۹۸۳)، «آزرنشر»ده بدیعی ادبیات شعبه‌سینین مودیری (۱۹۸۹-۱۹۹۲)، تورکییه‌نین آنکارا شهرینده تورک ایستاندارتلاری اینستیتوتوندا و خاریجی ایشلر ناظرلیگی و اینکیشاف آگنتلیین‌ده معلم، "آذربایجان" قزئتینین تورکییه اوزره خصوصی موخبیری (۱۹۹۲-۱۹۹۵) وظیفه‌لرین‌ده ایشله‌ییب.

ایلیاس تاپدیق سووئت اوشاق ادبیاتی و اینجه صنعتی نماینده‌لری ترکیبین‌ده چکوسلوواکییادا (۱۹۷۲)، ماجاریستان‌دا (۱۹۷۹) کئچیریلن تدبیرلرده ایشتیراک ائدیب.

اونون اوشاق شئیرلری تکجه آذربایجان‌دا دئییل، پوست سوویت مکانین‌دا، ائل‌جه ده آوروپانین بیر چوخ اؤلکه‌لرینده بؤیوک ماراقلا قارشیلانیب، کیتابلاری روسییادا میلیون یاریم، استونییادا، چکوسلوواکییادا ۱۰۰ مین تیراژلا نشر اولونوب.

ایلیاس تاپدیق «کندیمیزین چوبانی»، «بولاق باشین‌دا»، «گؤزلر»، «آرخالی داغلار»، «بیر عشقین شیمشیی»، «عکسیم و قلبیم»، «مشه‌نین ماهنی‌سی»، «خوروز و سیچان»، «اؤزومله گؤروش«، «ناغیللی آغاجلار« و باشقا کیتابلارین مؤلفی‌دیر.

او، آذربایجانین گؤرکملی شاعرلری – رسول رضا، صمد وورغون، مممد آراز، عثمان ساریوللی، حسین عاریف کیمی قلم آداملاری طرفیندن یوکسک قیمتلندیریلیب.

تاپدیق مصاحیبه‌سین‌ده موختلیف شاعرلرله، سیاسیلرله باغلی ماراقلی خاطره‌لر دانیشیب. اونلاردان بیری ده آذربایجان کمونیست پارتییاسی مک-نین ۱-جی کاتیبی میرجفر باغیروو حاقدادیر:

«میرجفر باغیرووون واختین‌دا مکتبی بیتیریب سندلریمی عالی مکتبه وئردیم، ائله بیرینجی ایل قبول اولوندوم. منیم بیر دوستوم واردی، عالی مکتبه قبول اولا بیلمدی، باغیرووا مکتوب یازدی کی، آتام منه عرب الیفباسینی اؤیردیب، ملا ائلمک ایستییر. قبول اولا بیلمه‌سم، ملا اولاجاغام. ایکی جوان قوشالاشدیق، مکتوبو گتیریب وئردیک باغیرووون ائوینین قاباغیندا دوران میلیسه. مکتوبو شخصاً اؤزو اوخوموشدو، اوچ گون سونرا گؤستریش وئریب کی، او اوشاغی تعجیلی تاپین، اونیورسیتتین عرب شعبه‌سینه قبول ائلیین. ائله ده اولدو! اونو همین شعبه‌یه قبول ائتدیلر».

قید ائدک کی، شاعر ۲۰۱۶-جی ایل دکابرین ۲۵-ی باکی‌دا وفات ائدیب و بادامدار قبیریستانلیغیندا، حیات یولداشینین یانیندا دفن اولونوب.