Kult.az گونی آذربایجانلی شاعر، میللی-مدنی فعال حبیب ساسانیانین "وطن" شعرینی تقدیم ائدیر:

وطن منیم اینامێمسان، بیرینجی سئوگیلی سن

اۆرَک ده واردێ یئرین، جننَتین گؤزَل گۆلۆسن.

سن اوْلماسان منه ظۆلمت اوْلار بۆتۆن دۆنیا

سوْن ایستَه ییم، اومودومسان، منه قاناد وئریسن.

من اوْدلار اؤلکه سینین وورغونو، دیلَک لَه دوْلو

آزادلێغێن نفسی، غونچه دَه آچان گۆلۆسن.

بو دوْغرودورکی، یۆز ایلدی دیلین قاداخلانمێش

قفسده نالَه ائدَن غملی بۆلبۆلۆن بیریسن.

یازاندا غملی قاداخلێ، بلالی گۆنلَردن

سالێرلار حبسه بیزی، چوْخ جفائیله بیلیسن.

عدالت اؤلدۆ، کفن سیز قالێبدی شاعرلر

قلم شهیدلرینین، ای (حبیب)ـ سن بیریسن.

اجل سنی بو جاهاندان کؤچۆرتسه دَه بیرگۆن

بو غملی نغمه لَرینله ائل ایچرَه ، سَن دیریسَن.