Kult.az آذربایجان ادبیاتینین گؤرکملی نماینده‌سی آلماس ایلدیریمین "آذربایجان، منیم تاختیم، تاجیم اوی" شعیرینی تقدیم ائدیر:

نرده منی گول قوینوندا دوغوران،

خمیریمی گؤز یاشییلا یوغوران،

بئشییم‌ده، لای-لای بالام، چاغیران،

آذربایجان، منیم بختسیز آنام، اوی!

نئچه ایلدیر حسرتینله یانام، اوی!..

خبر آلسام، موغانیمدان، میلیمدن،

نازلی باکیم، او نفت قوخان گولومدن،

کیم دئمیش کی، دوشموش آدین دیلیم‌دن،

آذربایجان، منیم اشسیز یوردوم اوی،

اؤلمز عشقیم، ایچیمده‌کی دردیم، اوی!..

سلام وئرسم، روزگار آلیب گؤتورسه،

آغری داغدان گؤی خزره یئتیرسه،

خزر جوشوب زنجیرینی قیرسا اوی،

حؤکم ائتسه، بو سرسم گئدیش دورسا، اوی.

کؤنلومه تک کبه یاپدیم سنی من،

سن‌سیز نیلیم غربت ائلده گونو من؟

سن‌سیز نئیلیم اللهی من، دینی من،

آذربایجان، منم تاختیم، تاجیم، اوی.

اویانمازمی کور اولاسی باختیم اوی!