کولت.آذ عیراق‌لی تورکمن شاعیر سمیر کهیه اوغلونون شعرینی تقدیم ائدیر:

يارین الویداع دئيه‌جه‌يم سنه تبريز

باغیشلا منى گئديرم

سندن گئده‌جک زوروندايام

يوزلرجه كيلومئتر گئجه قاتاريندا

خياليندا ياتاجاغام

عؤمور بويو سنى اؤزله‌یه‌جه‌يم

باغیشلا منى

سنده چوخ قالاماديم

آما قوخوسونو آپاراجاغام منیم‌له

حوزونلرينى گؤزلريمده ساخلایاجاغام

يالانچى تبسم‌لرينى ده بير كاغاذا ساراجاغام

باغیشلا منى تبريزيم

دويماديم سندن

ياغیشلى گوزلريندن

باغیشلا منى

منیم ده بير حياتيم وار اوزاقلاردا چوخ اوزاقلاردا

سنه دئييم

منیم ده يولومو گوزله‌ين‌لر وار

منیم ده سئوديکلريم وار سنين كيمى

الویداع تبريزيم

باغیشلا منى

اگر بير گون آغلاتمیشسام سنى

يا.. تک يالقيز قويموشسام سنى

بيليرمی‌سن؟؟

سنى منده گؤرورلر

منى ده سنده

هر زامان ايکيميزى دئييرلر

يوخ باشقاسينى

سنى سنده امانت قويورام

بو ياغمورلو گئجه‌ده

ترافيک آلتيندا

آغلاماغين گليرسه

ساده‌جه منى.. منى.. منى آغلا!