کولت. آذ گونئی‌لی شاعر و یازیچی عقیل آذردخت-ون (باباخانیم) آدلی شعرینی تقدیم ائدیر.

حیرتده یم آنجاق کی بو تورپاقدا نه لر وار

هر بیر گئجه نین آرخاسی یوزلرجه سحر وار

تاریخ بویو هر بیر قاریجی قانه باتیبدیر

آخر یئنه آل بایراغی افلاکه چاتیبدیر

ظولمتده قالان گؤزلره ظولمتده آخیبدیر

حیدر بابا خانلار بئجره‌ن آذربایجان

آلپ ارسلان اوختایلاری تورپاقدا یاتیبدیر

ائللر یئنه گؤزلر باباخانیم دوراجاقدیر

بئرنو تفنگین گولّه ایله دولدوراجاقدیر

هر گولّه سی اولدوز اولوب پارلایاجاقدیر

ظولمت یارادان یاغیلاری قورخوداجاقدیر

ای قانلی آذربایجانیمین ار ایگید اوغلو

دورسان یاناشار سنله ایگید حیدر عم اوغلو

ستارلا صفر خاندا دوروب نعره وورارلار

آزادلیغا چاتسین ائلیمیز غوغا قورارلار

سسلرله ایگید بابکی کوراوغلونو دورسون

قویمازلا داها یوردوموزا حیله قورولسون